تورکیه نینگ مطبوعات خلاصه لری

وطن گزیته سی: 29 سپتامبر 2022 ده تورکیه نینگ اتوموبیل فابریکه سی نینگ رسمی آچیلیشینی قیله میز" سرلوحه سی بیلن خبر بیردی.

خبرگه کوره جمهور باشلیغی رجب طیب ایردوغان، ییتکچیسی بولگن عدالت و ترقیات حزبی نینگ قوریلیشی نینگ 21 – ییل لیگیده قیلگن صحبتیده تورکیه نینگ وطنی اتوموبیلی توگ نینگ تیار ایکن لیگینی معلوم قیلیب " 29 سپتامبر 2022 ده تورکیه نینگ اتوموبیل فابریکه سی نینگ رسمی آچیلیشینی قیله میز. 2023 ییل نینگ ایلک چاره گیده اتوموبیلیمیز یوللرگه توشه دی" دیدی.

ستار گزیته سی: "امریکا قوشمه ایالتلریدن تورکیه گه ف-16 چقیریغی"  سرلوحه سی بیلن خبر بیردی.

خبرگه کوره تورکیه دن عسکری بیر هیئات ف-16 حربی اوچاغی آلیش و مودنلشتیرووچی جریانی بیلن تیگیشلی اوچره شوولر اوچون امریکا قوشمه ایالتلریگه باردی. ملی مدافعه وزیرلیگی تامانیدن بیریلگن بیاناتده، هیئات نینگ امریکا قوشمه ایالتلری نینگ چقیریغی گه بناً کیتگن لیگی بیلدیریلدی.

یینی شفق گزیته سی:" فرانسه مطبوعاتی نینگ کون ترتیبی تورکیه و سیهالر سرلوحه سی بیلن خبر بیردی.

خبرگه کوره دنیا وطنی و ملی تورک سیهالریدن بحث قیلیش گه دوام ایتماقده. فرانسه مطبوعاتی بیراقدار ت ب2 و قیزیل المه نی کون ترتیبی آلدی. ت ب2 اوکراین اوچون "کوچلی متفق" دیب اتلدی. تورکیه ایشلب چیقرگن سیهالرنینگ دنیاگه کتته یوتوقلر کیریتگن لیگی بیلدیریلدی. قیزیل المه گه هم دقت قره تیلدی.

حریت گزیته سی: "بیرلشگن ملتلر تشکیلاتیدن تورک توریزمی گه اولیملی پیام" سرلوحه سی بیلن خبر بیردی.

خبرگه کوره بیرلشگن ملتلر تشکیلاتی دنیا توریزم گروهی باش کاتبی زوراب پولولیکاشفیلی، تورکیه بیلن تیگیشلی "تورکیه شبهه سیزکی توریزمده تیپه ده توره دی. کوپراق سیاح کیلیشی اوچون ییترلی درجه ده انسان منبعی و توریزم منطقه سیگه ایگه دیر" دیدی.

خبرتورک گزیته سی: " استانبول قونلغه سی اوتگن هفته اروپاده اینگ گاوجوم قونلغه بولدی"  سرلوحه سی بیلن خبر بیردی.

خبرگه کوره استانبول قونلغه سی 8-14 اگست آییده کونده لیک اورته چه 1 مینگ 332 اوچیش بیلن اروپاده بیرینچی بولدی.