تورکیه نینگ مطبوعات خلاصه لری

یینی شفق گزیته سی: "تشقی ایشلر وزیرلیگی اسرائیل گه مسجد اقصی بوییچه عکس العمل کورستدی"  سرلوحه سی بیلن خبر بیردی.

خبرگه کوره تشقی ایشلر وزیرلیگی اسرائیل تامانیدن 5 اگست کونی غزه گه قره ته باشله تیلگن و باله لر قاله ویرسه انچه تینچ اهالی حیاتینی یوقاتگن هجوملرنی، اسرائیل ملت وکیلی اتمر بین گیویر بیلن افراطی یهودب گروپلر تامانیدن اسرائیل پولیسی نینگ قوریقچیلیگیده گی مسجد اقصی گه آلیبد باریلگن باسقین نی و مسجد اقصی ده عبادت قیلماقچی بولیشلرینی قاره له دی. وزیرلیک اسرائیل حکومتی گه، حرم شریف نینگ مقامی و معنویاتینی اماج قرار بیرگن بو کبی حرکتلرگه رخصت بیریلمسلیگی بوییچه چقیریغینی تکرار قیلدی.

ستار گزیته سی:" کوبراکوف: تورکیه گه منتدارمن سرلوحه سی بیلن خبر بیردی.

خبرگه کوره اوکراین آست قوریش وزیری اولیکسندر کوبراکوف فبروری آییده باشله گن روسیه – اوکراین اوروشی نینگ باشیدن بیری ایلک مرته حبوبات یوکلش اوچون خارجی بیراقلی کیمه نینگ بندرگه کیلگن لیگینی بیلدیردی.

کوبراکوف "بونگه وسیله بولگن بیرلشگن ملتلر تشکیلاتی و تورکیه ده گی کسبداشلریم گه منتدارچیلیک بیلدیره من" دیدی.   

حریت گزیته سی: ملی کوزه تووچی ایها STM TOGAN نینگ دستلبکی تسلیماتلری بولدی" سرلوحه سی بیلن خبر بیردی.

خبرگه کوره جمهور رئیسلیک مدافعه صنایعی باشلیغی اسماعیل دیمیر مدافعه تکنالوجیلر مهندسلیک و تجارت) تامانیدن ملی امکانیتلر بیلن ایشلب چیقریلگن کیچیک ملی کوزه تووچی ایها STM TOGAN نینگ دستلبکی تسلیماتلری نینگ بولگن لیگینی بیلدیردی. بو کوزه توو، کشف ایتیش و استخبارات اوچون ایش آلینه دی.

خبر تورک گزیته سی: "آلمان گه صادرات بوییچه ریکورد اورنه تیلدی" سرلوحه سی بیلن خبر بیردی.

خبرگه کوره تورکیه نینگ آلمانگه صادراتی 11 میلیارد 121 میلیون دالر بیلن اینگ یوقاری جنوری – جولای رقمی گه ییتدی.    

وطن گزیته سی: " خالی یستیق هم قالمه دی"  سرلوحه سی بیلن خبر بیردی.

خبرگه کوره توریزم سکتوری نماینده لری بو آیدن اعتباراً 7 میلیون توریست گه میزبانلیک قیلگن انتالیاده گی هوتللرنینگ اگست و سپتامبر آیی اورته سیگچه بوتونله ی توله ایکن لیگینی بعضی بیر هوتللرده خالی یستیق هم قالمه گن لیگینی بیلدیردی.