تورکیه نینگ مطبوعات خلاصه لری

حریت گزیته سی: " چاووش اوغلی: بحراننی کمه یتیریش اوچون اوستیمیزگه توشگن مسؤلیت نی قیلیش گه تیارمیز سرلوحه سی بیلن خبر بیردی.

خبرگه کوره تشقی ایشلر وزیر مولود چاووش اوغلی اجتماعی ترماق آرقه لی صربستان – کوسوا چیگره سیده گی بحران بیلن تیگیشلی بیانات بیردی. چاووش اوغلی "صربستان – کوسوا چیگره سیده گی بحران باعث صرب و کوسوالیک کشبداشلریم بیلن سوزلشدیم. تورکیه بالقانلرنینگ تینچلیک و برقرارلیگی گه هردایم اهمیت بیرماقده دیر. ینگی بحرانلرنینگ هیچ کیم گه بیر فایده سی بولمه یدی. بحراننی کمه یتیریش اوچون اوستیمیزگه توشگن مسؤلیت نی قیلیش گه تیارمیز" دیب ایتدی.

ستار گزیته سی: "تورکیه دینگیز تکنالوجیسیده هم یوتوق قازانه دی"  سرلوحه سی بیلن خبر بیردی.

خبرگه کوره صنایع و تکنالوجی وزیری مصطفی ورنک انسانسیز دینگیز واسطه لریده دنیاده گی ینگیلیکلرنینگ ایندی باشله گن لیگینی معلوم قیلیب "تورکیه اوله راق انسانسیز هوا واسطه لریده قولگه کیریتگن یوتوققه ایریشیب بیلسک دنیاده مطرح اولکه لردن بیرته سی بوله میز" دیدی. 

صباح گزیته سی: ایرانگه یاردم اوچون ترانسپورت اوچاغی جونه تیلدی" سرلوحه سی بیلن خبر بیردی.

خبرگه کوره ملی مدافعه وزیرلیگی تامانیدن توناون کونی بیریلگن بیاناتده تورکیه نینگ سیل فلاکتی یوز بیرگن ایران گه بیر ترانسپورت اوچاغی آرقه لی یاردم جونتگن لیگینی بیلدیردی.

وطن گزیته سی: "توگ یولگه قوییله دی " سرلوحه سی بیلن خبر بیردی.

خبرگه کوره تورکیه نینگ اتوموبیل شرکتی توگ اوست باشقرووچیسی مِحمِد گورجان قاره قاش توگ نینگ 2023 ییلی نینگ ایلک چاره گیده تورکیه ده، بو تاریخدن 18 آی کیین ایسه اروپاده یولگه قوییله حگینی ایتدی.

یینی شفق گزیته سی: " توپراق رزگتلی اوغلی چیکیاده بیرینچی بولدی "  سرلوحه سی بیلن خبر بیردی.

خبرگه کوره ملی موترسایکلچی توپراق رزگتلی اوغلی چیکیاده گی دنیا سوپربیک بیلله شوویده بیراقنی بیرینچی بولیب اوتدی. بو نتیجه بیلن توپراق دنیا سوپر بیک بیلله شوویده 2- اوچره شووده هم غلبه قازاندی.