تورکیه مطبوعاتیدن خلاصه لر 27.05.2022

خبرتورک روزنامه سی, تورکیه جمهوریتی جمهوررئیسی رجب طیب اردوغان باشچیلیگیده ملی خوفسیزلیک کینگشی ییغیلیشی نینگ بولیب اوتگن لیگی نی بیلدیرماقده. 

خبرده, ییغیلیش آرتیدن بیریلگن بیاناتده, "جنوبی چیگره لری میزده گی عملیات لر ملی ضرورتی میز دن عبارت.  ترور تشکیلات لری گه قره تیلگن عملیات لر دوام ایته دی" دییه قید ایتیلگن لیگی ایسله تیلماقده. 

صباح روزنامه سی, تورکیه نینگ, خلق ارا اتفاق لرده هردایم متفق لیک روحی و حقوقی نی جایی گه کیتیرگن لیگی, خوددی شوو مسئولیت و صمیمیت نی متفق لری دن هم کوتیاتگن لیگی نی بیلدیرگن لیگی نی یازماقده. 

خبرده, توناون بولیب اوتگن ملی خوفسیزلیک کینگشی بیلدیرویده, تروریزم نی قوللب- قوتلب, خلق ارا حقوق نی اخلال قیلگن اولکه لر نینگ بو سیاست لری دن واز کیچیش گه و تورکیه نینگ خوفسیزلیک بوییچه حساسیت لری گه اهمیت بیریش گه چقیریلگن لیگی بیلدیریلماقده. 

وطن روزنامه سی, ناتو عمومی منشی سی ینس استولتنبرگ نینگ, "هیچ کیمسه تورکیه قدر ترورچیلیک هجوم لری دن ضرر کورمه دی" دییه قید ایترایکن, تورکیه نینگ تروریزم گه قرشی کوره شی نینگ حقلی ایکن لیگی نی بیلدیرگن لیگی نی معلوم قیلماقده. 

خبرده, استولتنبرگ نینگ, ترورچی لر نی قوللب – قوتلیاتگن سویدن و فنلاند نینگ ناتو گه اعضالیگی گه قرشی تورکیه نینگ ایریم طلب لرنی مطرح قیلیش بوییچه حقلی ایکن لیگی نی بیلدیررایکن, بیر متفق نینگ قیغو لری بولگنده اوشبو خواطر لر گه اهمیت بیریلیشی کیره ک ایکن لیگی نی بیلدیرگن لیگی ایسله تیلماقده. 

ستار روزنامه سی, تورکیه جمهوریتی تشقی ایش لر وزیری مولود چاووش اوغلی نینگ, یونان نینگ خلق ارا کیلیشوو لر گه اهمیت بیرمسدن ایگه ی دینگیزیده گی ارال لر نی قوراللنتریشی گه قرشی عکس العمل کورستگن لیگی گه دقت قره تماقده. 

خبرده, بوندن وازکیچیلمس لیگی تقدیرده حاکمیت بوییچه بحث و مناظره لرنینگ باشله یدیگن لیگی نی بیلدیرگن چاووش اوغلی نینگ, "انیق ایته میز.  یونان نینگ بونگه اویغون حرکت قیلمس لیگی تقدیرده ایش نی ایلگری راق بیر نقطه گه آلیب باره میز.  یونان نینگ بو ایش لری, تورکیه نی تهدید ایتیش دن عبارت" دییه قید ایتگن لیگی بیلدیریلماقده. 

حریت روزنامه سی, دنیا نینگ اینگ مهم تکنالوژی فستیوال لری دن بیری بولگن تکنوفیست هواچیلیک, فضا و تکنالوژی فستیوالی نینگ آذربایجان پایتختی باکو ده توناون باشله گن لیگی نی یازماقده. 

خبرده, 120 مینگ متر مربع لیک بیر ساحه ده تورت کون دوامیده 50 مینگ کیشی نی کوتیب آلیشی کوتیلیاتگن تکنوفیست ده 5 مینگ کیشی نینگ رقابت قیله دیگن لیگی بیلدیریلماقده. 

روزنامه, دنیا ده بحث ایتیلیاتگن تورکیه نینگ اوچووچیسیز اوچاق لری دن عبارت بیرقدار و آقینچی دن تشقری, اوچاق لر, هلیکوپتر و زرهی واسطه لرنینگ هم اوشبو فستیوالده نمایش ایتیله دیگن لیگی نی یازماقده.