تورکیه نینگ مطبوعات خلاصه لری

صباح گزیته‌سی: انقره و ایروان اورته سیده حساس اوچره شوو سرلوحه سی بیلن خبر بیردی.

خبرگه کوره تورکیه ارمنستان نورماللشوو جریانی خاص نماینده لری بویوک ایلچی سردار قیلیچ بیلن ارمنستان مجلس باشلیغی اورینباسری روبن روبنیان اورته سیده گی اوچونچی اوچره شوو وینده بولیب اوتدی. 

ستار گزیته‌سی: "تورکیه دن یاردم سوره دیلر:ماریپول نی قوتقریب بیرینگ" سرلوحه سی بیلن خبر بیردی.

   خبرگه کوره آلمانده حیات کیچیره یاتگن اوکراینلیکلر تورکیه دن یاردم طلب قیلدی. تورکیه نینگ برلین بویوک ایلچیلیگی نینگ قاشیده ییغیلگن یوزلب اوکراینلیک تورکچه اوله راق "تورکیه ماریپول نی قوتقریب بیر" شعاری بیردی.   

خبرتورک گزیته‌سی: اوتگن ییل 2 میلیارد دالرلیک کیمه صادر قیلیندی سرلوحه سی بیلن خبر بیردی.

خبرگه کوره یال اوانینگ آلتین اوا تومنیده گی کیمه کارخانه لری منطقه سیده جایلشگن سنمار کیمه کارخانه سیگه بارگن صنایع و تکنالوجی وزیری مصطفی ورنک دینگیزگه سفرقیلیب رومورکورلرنی تیست قیلیب چیقدی. تورک دینگیزچیلیک سکتوری نینگ سونگگی ییللرده کتته یوتوق قازانگن لیگینی معلوم قیلیب "تورکیه فقط اوتگن ییل 2 میلیارد دالرلیک کیمه صادر قیلدی " دیدی.       

یینی شفق گزیته‌سی: بودروم گه تاریخی نینگ اینگ کتته یولاوچی کیمه سی کیلدی سرلوحه سی بیلن خبر بیردی.

 خبرگه کوره موغلانینگ بودروم تومنی گه تاریخی نینگ اینگ کتته یولاوچی کیمه سی کیلدی. ایتالیا بیراقلی 323 متر اوزونلگیده گی 135 مینگ تن آغیرلیگیده گی «کوسته وینزیئا» آتیده گی کیمه ده لوکس هوتل 2 مینگ 116 ته کمره، 1 مینگ 254 ته یولاوچی و 1 مینگ 78 ته پرسونل موجود. کوپراغی آلمان، ایتالیا و روس وطنداشی بولمیش توریستلر بودروم نی کیزدی.      

حریت گزیته‌سی: بلجیم اورمانلرینی تورک ترمیناتور قوریقله یدی سرلوحه سی بیلن خبر بیردی.

خبرگه کوره بلجیم نینگ انتویرپ و لیمبورگ ایالتلری اولکه ده گی اورمان ساحه سی نینگ اینگ بویوک دشمنلریدن ناجی درختی قورت گه قرشی کوره ش اوچون تورکیه دن یاردم طلب ایتدی. شونده ی بولیب تورکیه دن «ترمیناتور اورومچک" دیب اتلگن 100 ته اورومچک وارد قیلیندی.