تورکیه مطبوعاتیدن خلاصه لر 22.03.2022

حریت روزنامه سی, تورکیه جمهوریتی جمهوررئیسلیک سوزچیسی ابراهیم قلین نینگ روسیه بیلن اوکراین اورته سیده گی اوروش حقیده بیانات بیرگن لیگی نی بیلدیرماقده. 

خبرده, قلین نینگ, "بو اوروشده هیچ بیر تامان موفق بوله آلمه یدی.  دنیا نینگ ینگی بیر ساووق اوروش گه تحملی یوق" دییه قید ایتگن لیگی بیلدیریلماقده. 

روزنامه, تورکیه نینگ اوروش نینگ اداققه ییتیشتیریلیشی اوچون سعی و حرکت قیلیاتگن لیگی نی بیلدیرگن قلین نینگ, "بیز, هم روسیه و همده اوکراین تامانی بیلن یقیندن ارتباطده بولیب اوز تشبث لری میز نی دوام ایتتیرماقده میز" دییه قید ایتگن لیگی نی یازماقده. 

ستار روزنامه سی, تورکیه نینگ روسیه بیلن اوکراین اورته سیده گی اوروش نینگ توخته تیلیشی بوییچه قیلیاتگن دیپلماتیک سعی و حرکت لری باره سیده بحث ایتگن ایتالیا تشقی ایش لر وزیری لوئیجی دی مایو نینگ, تورکیه نینگ اوشبو واسطه چیلیک تشبث لری نی انیق قوللب- قوتلیاتگن لیک لری نی بیلدیرگن لیگی نی ایسلتماقده. 

خبرده, دی مایو نینگ, تورکیه نینگ تامان لرنی تینچلیککه راضی قیلیش بوییچه تشبث لر دایره سیده مهم بیر اولکه ایکن لیگی نی بیلدیرگن لیگی یازیلماقده. 

خبرتورک روزنامه سی, تورکیه جمهوریتی صنایع و تکنالوژی وزیری مصطفی وارانک نینگ تورکیه علمی و تکنالوژیک تدقیقات لر اداره سی (توبیکتاک) نینگ پروگرامی دایره سیده 47 نفری تورک لردن عبارت 63 ینگی تدقیقاتچی نینگ تورکیه ده اوز فعالیت لری نی دوام ایتتیره دیگن لیک لری نی معلوم قیلگن لیگی نی بیلدیرماقده. 

وطن روزنامه سی, توناون قطرده, "دوحه خلق ارا دینگیز مدافعه کورگزمه سی و کنفرانسی نینگ باشله گن لیگی نی یازماقده. 

خبرده,  دوحه خلق ارا دینگیز مدافعه کورگزمه سی و کنفرانسی دایره سیده 3 کون دوامیده آره سیده تورکیه مدافعه صنایع سی دن 32 شرکت نینگ هم موجود بولگن 20 اولکه دن 200 دن آرتیق شرکت نینگ اوز محصولاتی نی کورسه ته دیگن لیگی ایسله تیلماقده.

ینی شفق روزنامه سی, تورکیه نینگ قونیه شهری نینگ, اوروپا سپورت پایتخت لری و شهر لری فدراسیونی تامانیدن 2023 دنیا سپورت پایتختی اوله راق اعلان قیلینگن لیگی نی بیلدیرماقده.