تورکیه مطبوعاتیدن خلاصه لر 02.03.2022

حریت روزنامه سی, تورکیه جمهوریتی جمهوررئیسی رجب طیب اردوغان نینگ, توناون کوسووا جمهوررئیسی ویوسا عثمانی بیلن ترتیب له گن اورتاق مطبوعاتی کنفرانسیده, اوروپا بیرلیگی نینگ اوکراین نینگ اعضالیگی اوچون کورستگن حساسیت نی تورکیه اوچون هم کورسه تیشی کیره ک ایکن لیگی نی معلوم قیلگن لیگی نی بیلدیرماقده. 

ستار روزنامه سی, توناون تورکیه گه تشریف بویورگن کوسووا جمهوررئیسی ویوسا عثمانی نینگ, "اوکراین ده گی حادثه لرنی کورگنی میزده طبیعی بیر شکلده کوسووا نینگ ناتو گه اعضا بولیش وقتی نینگ کیلگنی نی اویله یمیز. ناتو ده تورکیه نینگ رولی انچه مهم.  شوباعث اوشبو خصوصده بیزنی حمایه گن لیک لری اوچون حرمتلی جمهوررئیس اردوغان گه منتدارچیلیک بیلدیرماقچی من" دییه قید ایتگن لیگی نی یازماقده. 

صباح روزنامه سی, جمهوررئیس اردوغان نینگ, توناون, تلفن آرقه لی, هالند باش وزیری  مارک روته و اطریش جمهوررئیسی فن در بلن بیلن سوزله شگن لیگی گه دقت قره تماقده. 

خبرده, اوشبو صحبتده, اردوغان نینگ, روسیه بیلن اوکراین اورته سیده زودلیک بیلن آتشکیسین نینگ تامین ایتیلیشی اوچون سعی وحرکت قیلیاتگن لیک لری نی بیلدیررایکن, اوکراین نینگ ارضی تمامیتی نی قوللب- قوتله یدیگن لیک لری نی معلوم قیلگن لیگی ایسله تیلماقده. 

خبرتورک روزنامه سی, تورکیه جمهوریتی ملی مدافعه وزیری خلوصی آقر نینگ, "مونترو نینگ قورینیشی نینگ مفید ایکن لیگی نی کورماقده میز.  اوشبو دایره ده فعالیت لری میز نی دوام ایتتیرماقده میز.  حاضرگی کون گه قدر بولیب کیلگن لیگی دیک مونترو تنگه لر کیلیشووی نینگ 19-, 20- و 21- ماده لری نی تطبیق ایتیش گه دوام ایته میز" دییه قید ایتگن لیگی نی بیلدیرماقده. 

وطن روزنامه سی, اوتگن ییل نینگ خوددی شوو دوری بیلن سالیشتیریلگنده میلادی 2022- ییل فبروری آییده تورکیه نینگ انتالیا شهری گه کیلگن توریست سانی نینگ 211 فایز گه آشگن لیگی نی یازماقده. 

خبرده, فبروری آییده انتالیا گه 150 مینگ 386 توریست نینگ کیلگن لیگی گه دقت قره تیلماقده. 

روزنامه, فبروری آییده انتالیا گه اینگ کوپ توریست نینگ آلمان دن (30 مینگ 969 کیشی) کیلگن لیگی نی معلوم قیلماقده.