تورکیه مطبوعاتیدن خلاصه لر 12.01.2022

خبرتورک روزنامه سی, تورکیه جمهوریتی تشقی ایش لر وزیری مولود چاووش اوغلی نینگ بیرگن بیاناتیده, "برچه امکانیت لری میز بیلن قزاقستان نی قوللب- قُوَتله یمیز. اوشبو توغریده برچه امکانیت لری میز دن فایده له نیش گه تیار میز" دییه قید ایتگن لیگی نی بیلدیرماقده. 

حریت روزنامه سی, تورکیه جمهوریتی ملی مدافعه وزیری خلوصی آقر نینگ, تورکیه نینگ شانلی اورفه ولایتی آقچه قلعه تومنیده 3 تورک عسکری نینگ شهید ایتیلگن ترورچیلیک هجومی بیلن علاقه لی بیرگن بیاناتیده, "ترور تشکیلاتی پ.ک.ک – وای پی جی نینگ هدف لری نی اورماقده میز و بوندن کیین هم اوره میز.  حاضرگی کون گه قدر 22 نفر ترورچی یوق قیلیندی.  جزالنتیریش عملیات لری میز کونساین آرتیب کیته دیگن شکلده دوام ایته دی" دییه قید ایتگن لیگی نی معلوم قیلماقده. 

صباح روزنامه سی, تورکیه پطرول لری شرکتی نینگ, تورکیه نینگ ساکاریا گاز ساحه سیده گی تورک علی – 1 قودوغیده, بیرینچی گاز آقیش سیناوی نی موفقیت بیلن اوتکزگن لیگی نی یازماقده. 

ستار روزنامه سی, اوتگن ییلده تورکیه نینگ اینگ کوپ آلمان گه صادرات قیلگن لیگی نی بیلدیرماقده. 

خبرده, میلادی 2021- ییلده تورکیه نینگ آلمان گه قیلگن صادرات میزانی نینگ 22,9 فایز گه آشیب کیتگن لیگی گه دقت قره تیلماقده. 

روزنامه, شونده ی قیلیب تورکیه نینگ اوشبو ییلده آلمان گه 17 میلیارد 705,4 میلیون دالرلیک صادرات قیلگن لیگی نی ایسلتماقده. 

ینی شفق روزنامه سی, کرونا ویروس پاندمیسی سببلی تورکیه ملکی هواچیلیک اداره سی تامانیدن توخته تیلگن جنوبی افریقا, بوتسوانا, موزامبیک, نامیبیا و زیمبابوی اوچیش لری نینگ تکرار باشله گن لیگی نی بیلدیرماقده.