تورکیه نینگ مطبوعات خلاصه لری
تورکیه نینگ مطبوعات خلاصه لری
یینی شفق گزیتهسی: « ایردوغان سوریه دن اولکه میزگه قره ته ترور هجوملری بیلن تیگیشلی ایندی طاقتیمیز یوق » سرلوحهسی بیلن خبر بیردی.
خبرگه کوره، جمهور باشلیغی رجب طیب ایردوغان کابینه جلسه سی نینگ ارتیدن بیرگن بیاناتده سوریه دن تورکیه گه قره ته ترور هجوملری بیلن تیگیشلی ایندی طاقت نینگ قالمه گن لیگینی معلوم قیلیب "پولیسلریمیزگه قره ته سونگگی هجوم و توپراقلریمیزنی آماج قرار بیرگن تجاوز ایندی صبرنی تاشیردی. قیسقه مدت جریانیده بو معماگه ییچیم اوچون کیره کلی آدیملرنی آته میز" دیدی.
حریت گزیتهسی: سویلو کیریلمه گن قنچه منطقه بولسه باریب کیردیک سرلوحه سی بیلن خبر بیردی.
ایچکی ایشلر وزیری سلیمان سویلو یورت ایچیده تروریزم گه قرشی کوره ش بیلن تیگیشلی " کیریلمه گن قنچه منطقه بولسه قرانغو تاغلرده قاله ویرسه بولرنینگ برچه سیگه باریب کیردیک و عملیات اویوشتیردیک. (تروریستلرنینگ) اوستی گه باریب میندیک" دیب افاده ایتدی.
ستار گزیتهسی: « وطنی اوله راق ایشلب چیقریلدی 5 میلیون دالر تورکیه ده قالدی» سرلوحهسی بیلن خبر بیردی.
خبرگه کوره، هاویلسان تکنالوژی صنایع و تجارت شرکتی تامانیدن ایشلب چیقریلگن وطنی ایکسری ماشینی باعث 5 میلیون دالر تورکیه ده قالدی.
خبر تورک گزیتهسی: « اتوموبیلده هم صادرات همده تولید کوپه یدی» سرلوحهسی بیلن خبر بیردی.
خبرگه کوره اتوموتیف صنایع اویوشمه سی نینگ راپوریگه کوره جاری ییل نینگ ایلک توقوز اییده اتوموتیف تولیدی آلدینگی ییل نینگ خوددی شو آییگه کوره 8 فایز کوپه ییب 921 مینگ 619 ته، صادرات هم 9 فایز کوپه ییب 671 مینگ 674 ته بولدی.
صباح گزیته سی: تورک هوا یوللری اروپاده اینگ کوپ اوچگن 2- شرکت بولدی سرلوحه سی بیلن خبر بیردی.
تورک هوا یولی 4-10 آکتوبر اورته سیده 1.185 اوچیش بیلن اروپاده اینگ کوپ اوچیش قیلگن 2- هوا یول شرکتی بولدی.