تورکیه نینگ مطبوعات خلاصه لری
تورکیه نینگ مطبوعات خلاصه لری
صباح گزیتهسی: «تورکيه نینگ کوچینی کورسهتووچی مجتمع» سرلوحهسی بیلن خبر بیردی.
خبرگه کوره، تورکيه جمهور باشلیغی رجب طیب ایردوغان امریکا قوشمه ایالتلری نینگ نیو-یورک شهریده تورک اویی بناسی آچیلیشی مناسبتی بیلن اوتکزیلگن طنطنهلی تدبیرده اشتراک ایتدی.
ایردوغان تدبیرده سوزلهگن نطقیده تورکيه اوشبو شاه اثر بیلن بویوکلیگینی، تجربهسینی و کوچینی عکس ایتتیرووچی مجتمع بنیاد ایتگنلیگینی تأکیدلهدی. «جمهوریتمیز نینگ 100 ییللیک تویی بولمیش 2023 ییلگه تامان کیتگن بو یولده تورک اویی مجتمع میز خلقارا همجمعیتده توتگن اورنیمیزنی عکس ایتتیرهدی»،-دیب ایتگن.
خبر تورک گزیتهسی: «دنیا نینگ اینگ سخي دولتیمیز» سرلوحهسی بیلن خبر بیردی.
خبرگه کوره، تورکيه پارلمانی باشلیغی مصطفی شینتوپ اسپانیادهگی انجمنده سوزلهگن نطقیده تورکيه دنیاده اینگ سخي، یاردمسیور دولت ایکنینی تیلگه آلدی. «دنیا نینگ اینگ با دولتی ایمسمیز، لیکن اینگ سخي دولتی بیزمیز. تورکيه حاضرگی کونده اینگ کوپ قاچقینگه قوچاق آچگن دولت. مملکتیمیزده 10 ییلدن بیری 4 میلیوندن آرتیق سوريهلیک قاچقین یشهماقده»،-دیب ایتگن.
ستار گزیتهسی: «تاریخي یوتوق: تورکيه 132 دولت آرهسیده 2-بولدی» سرلوحهسی بیلن خبر بیردی.
خبرگه کوره، 132 دولت بیللشگن گلوبال اینناواسیان ایندیکسیده تورکيه 41-اورینگه کوتریلیب، تاریخیدهگی اینگ یوقاری کورسهتگیچگه ایریشدی. ایندیکسده اورین الگن 132 اولکه ایچیده تورکیه اینگ کتته اوسیش کورستگن اولکه لر قطاریده 2- بولدی.
یینی شفق گزیتهسی: «تورک دنیا مدنیت پایتختی عنوانی بورسهده» سرلوحهسی بیلن خبر بیردی.
خبرگه کوره، بورسه بویوک شهر بلدیه باشلیغی علینور آقتاش تورکيه مدنیت و توریزم وزیری محمد نوری ایرسوی و اوزبیکستان مدنیت وزیری آزادبیک نظربیک اوف اشتراکیدهگی طنطنهلی مراسمده خیوه شهر بلدیه باشلیغی تیمور دولت اوفدن «تورک دنیا مدنیت پایتختی» عنوانینی رسماً قبول قیلیب آلدی.
حریت گزیتهسی: توریا موزیمی گه اروپادن خاص مکافات سرلوحه سی بیلن خبر بیردی.
2020 اروپا ییل نینگ موزیمی خاص مکافاتینی قولگه کیریتگن ترویا موزیمی اروپانینگ مهم موزیم مکافاتلریدن 2020/2021 اروپا موزیم اکادیمیسی خاص مکافاتی گه لایق تاپیلدی. ترویا ایککی مکافاتنی هم آلگن ایلک تورک موزیمی بولدی.