تورکیه نینگ مطبوعات خلاصه لری

یینی شفق گزیته‌سی: جمهور باشلیغی ایردوغا‌ندن افغانستان دیپلوماسیسی سرلوحه سی بیلن خبر بیردی.

جمهور باشلیغی رجب طیب ایردوغا‌ن افغانستانده گی سونگگی وضعیت و کوچ بحرانی بیلن تیگیشلی دیپلوماسی اوچره شوولر آلیب بارماقده. ایردوغان ایککی کون ایچیده 6 اولکه ییتکچیسی و اروپا بیرلیگی کینگش باشلیغی (چرلیس میشل) بیلن تیلفون آرقه لی سوزلشدی. ایردوغان منطقه میزده برقرارلیک نی تامین ایتیش اولکه میزنی کوچ باسیمی گه قرشی قوریقلش اوچون کیره کلی هر آدیم نی آتیش گه دوام ایته میز، دیدی.   

وطن گزیته‌سی: جمهور باشلیغی ایردوغان میدال آلگن سپورتچیلر بیلن اوچره شدی سرلوحه سی بیلن خبر بیردی.

جمهور باشلیغی ایردوغان جمهور رئیسلیک مجتمعیده 2020 توکیو المپیاد بیلله شوولریده میدال قولگه کیریتگن ملی سپورتچیلر بیلن آقشم اوقاتی پروگرامیده اوچره شدی. ایردوغان اولکه نی فخرلنتیرگن سپورتچیلر و اولرنی ییتیشتیرگن قدرلی عایله لری و مربعلری بیلن اوچره شگنیم اوچون فخرلنگن لیگینی بیلدیردی.

صباح گزیته‌سی: تورکیه کوچمن کمپی ایمس دیر سرلوحه سی بیلن خبر بیردی.

عدالت و ترقیات حزبی سوزچیسی عمر چیلیک افغانستان کوچی بیلن تیگیشلی بعضی بیر دولتلردن بیانات بیریلگن لیگینی اورغولب تورکیه نینگ ینه مهاجر قبول قیله دیگن کوچی یوق، دیدی. اولکه سی نینگ بیر کوچمن کمپی ایمس ایکن لیگینی معلوم قیلیب تورکیه چیگره لریگه حاکم دیر، دیدی.

حریت گزیته‌سی: انگلیس میدیاسی نینگ یالغانی پوچگه چیقدی سرلوحه سی بیلن خبر بیردی.

انگلیس مطبوعاتی نینگ افغانستانلیک قاچقینلر اوچون تورکیه ده و پاکستانده ییغیش مرکزلری قوریش خبری نینگ یالغان ایکن لیگی 24 ساعت ایچیده یوزه گه چیقدی. خبرنی بیرگن بی بی سی تورکچه کیچیریم سوره ب خبرنی اوچیردی. تشقی ایشلر وزیرلیگی بوگونگچه هیچ بیر اولکه دن بیزگه ییتیب کیلگن رسمی بیر تکلیف یوق دیر. بونقه بیر طلب کیلگن حالده بونی قبول قیلیشیمیز ممکن ایمس دیر، دیب بیانات بیردی.

خبر تورک گزیته‌سی: خاتین – قیز والیبال ملی تیرمه جماعه سی 4 بیلله شووده هم غلبه قازاندی سرلوحه سی بیلن خبر بیردی.

خاتین – قیز والیبال ملی تیرمه جماعه سی اروپا بیلله شوویده گروپده گی تورتینچی اوچره شوویده فینلند نی 3-0 بیلن مغلوبیت گه اوچره تدی. خاتین – قیز والیبال ملی تیرمه جماعه سی بیلله شووده گی 4- بیلله شووینی هم قازاندی.