تورکیه نینگ مطبوعات خلاصه لری
تورکیه نینگ مطبوعات خلاصه لری
صباح گزېته‌سی: جمهور باشلیغی ایردوغا‌ن: «دولت بار امکانی بیلن سفربر» سرلوحه سی بیلن خبر بیردی.
جمهور باشلیغی رجب طیب ایردوغا‌ن مملکت نینگ قاره دینگیز منطقه‌سیده اینیقسه بارتین، سینوپ و کستمونو ولایتلریده صادر بولگن سوو تاشقینینی یقیندن کوزه‌تر ایکن، اوندن کتّه زیان کورگن منطقه‌لرده‌گی شهر و تومن ییتکچیلری بیلن تیلفون آرقه‌لی صحبت قیلدی. ایردوغه‌ن، دولت نینگ بار امکانی بیلن سفربر ایکنینی قید ایتدی.
حریت گزیته‌سی: خلوصی آقر: «تورک عسکرلرینی خوف آستیگه قویالمه‌یمیز» سرلوحه سی بیلن خبر بیردی.
ملي مدافعه وزیری خلوصی آقر افغانستانده‌گی قونلغه نینگ وضعیتی حقیده، «یقین کونلرده بو موضوع شکللنه‌دی. تورک عسکرلرینی هر قنده‌ی شرایطده خوف آستیگه قویالمه‌یمیز» دیدی.
یینی شفق گزیته‌سی: تشقی ایشلر وزیرلیگی اتریش‌لیک وزیرگه جواب بیردی سرلوحه سی بیلن خبر بیردی.
تشقی ایشلر وزیری اورین‌باسری فاروق قیماقچی، اتریش ایچکی ایشلر وزیری کرل نیهه‌ممیرنینگ مهاجرلر مسأله‌سیده تورکيه‌نی اغواگرچیلیکده عیبلشیگه ناراضیچیلیک بیلدیردی و اروپا اتفاقینی ناقانوني مهاجرلرگه قرشی بیرگه‌لیکده حرکت قیلیشگه چقیردی.
خبر تورک گزیته‌سی: بکر پاکدیمیرلی: یانغینلرنینگ همه‌سینی کنترول آستیگه آلدیک سرلوحه سی بیلن خبر بیردی.
قیشلاق و اورمان وزیری بکر پاکدیمیرلی، تورکيه‌ده‌گی یانغینلر نینگ همه‌سی کنترول آستیگه آلینگنینی معلوم قیلدی. پاکدیمیرلی موضوع حقیده توناون بیرگن بیاناتیده: «آفت پیتیده عزیز خلقیمیز بیلن اورمانلریمیز اوچون بیر یاقه‌دن باش، بیر یینگدن قول چیقردیک. یانغینلر نینگ همه‌سینی کنترول آستیگه آلدیک». – دییه گپیردی.
ستار گزیته‌سی: مصطفی وره‌نک: ایشلب چیقریش آرقه‌لی اوسیشنی دوام ایته‌میز.
صنایع و تکنالوژي وزیری مصطفی وره‌نک، یوقاری تکنالوژي‌لی ایشلب چیقریش صنایعیده کوزده توتیلگن آیلیک و ییللیک بازه‌ده‌گی آرتیشلر نینگ صنایعده‌گی اوزگریش و صفتی جهتیدن قنچه‌لیک اهميتلی ایکنیگه اعتبار قره‌تگن حالده، «ایشلب چیقریش آرقه‌لی اوسیشنی دوام ایته‌میز».- دیگن افاده‌لرگه ا‌ورین بیردی.
