تورکیه نینگ مطبوعات خلاصه لری

صباح گزیته‌سی: عمرچیلیک: تورکیه هیچ کیم نینگ کوچمن کمپی ایمس سرلوحه سی بیلن خبر بیردی.

عدالت و ترقیات حزبی سوزچیسی عمرچیلیک توناون کونی بیرگن بیاناتده تورکیه نینگ هیچ کیم نینگ کوچمن کمپی ایمس ایکن لیگینی ایتدی. چیلیک "تورکیه هیچ کیم نینگ کوچمن کمپی ایمس دیر. اولیمدن قاچگن گه یاردم بیرمسلیک اخلاقی بولمه یدی. بیراق بو جاینی کوچ کمپی کبی کورستیش توغری ایمس" دیدی.

ستار گزیته‌سی: تورکواکدن مژده لی خبر 100 فایز تاثیرلی سرلوحه سی بیلن خبر بیردی.

ینگی تور کروناویروس (کوید-19) گه قرشی تورکیه ده ایشلب چیقیلگن تورکواک واکسینی نینگ انگلیس ویریانتی گه قرشی 100 فایز تاثیرلی ایکن لیگی بیلدیریلدی. تورکواک واکسین پروژه باشقرووی پروفیسور دوکتور آیکوت اوزدارندیلی دیلتا ویریانتی بیلن تیگیشلی هم اورونیشلرنینگ دوام ایتیب تورگن لیگینی افاده ایتدی.

وطن گزیته‌سی: اوغور شاهیندن دیلتا ویریانتی بوییچه بیانات سرلوحه سی بیلن خبر بیردی.

بیونتیک باش باشقرووچیسی پروفیسور دوکتور اوغور شاهین "بیونتیک-پفیزر تامانیدن ایشلب چیقریلگن بیرینچی نسل کوید-19 واکسینی دیلتا قاله ویرسه شو وقت موجود بولگن ویریانتلرنینگ برچه سیگه تاثیرلی. شونده ی بولیب واکسین گه هیچ بیر اوزگریش کیلتیرمه یمیز" دیدی.

حریت گزیته‌سی: گرجستان باش وزیری گریباشویلی تامانیدن تورکیه بیلن تیگیشلی بیانات سرلوحه سی بیلن خبر بیردی

گرجستان باش وزیری ایراکلی گریباشویلی چیگره قوشنیسی و ستراتیژیک شریک بولمیش تورکیه بیلن مناسبت و همکارلیکلرگه اهمیت بیرگن لیکلرینی ایتدی. گریباشویلی توناون کونی بیرگن بیاناتده تورکیه بیلن ستراتیژیک شریک لیگیمیز بار و البته تورکیه بیلن دوستلیک همکارلیکلرگه اهمیت بیره میز" دیب گپیردی.

خبر تورک گزیته‌سی: قویاش و شمالده 1 تریلیون دالرلیک سرمایه کیریتیش سرلوحه سی بیلن خبر بیردی.

صنایع و تکنالوجی وزیری مصطفی ورنک کیلگوسی 10 ییلده دولت و نادولت سکتور تامانیدن تعهد قیلینگن 1 تریلیون دالرلیک شمال و قویاش سرمایه کیریتیش نینگ موجود ایکن لیگینی ایتدی. ورنک " بو دایره ده تورکیه اوله راق ینگی لنه دیگن انرژیدن کینگ سویه ده فایده لنیب نفت و گازده گی تشقریگه باغلیق بولیب قالیشنی فایده میزگه ایلنتیرماقچی میز" دیب افاده ایتدی.