تورکیه مطبوعاتیدن خلاصه لر 09.07.2021

خبرتورک روزنامه سی, تورکیه جمهوریتی جمهوررئیسی رجب طیب ایردوغان نینگ, تورکیه نی واردات دن قوتقرگونگه قدر مدافعه صنایع سی بوییچه سرمایه گذارلیک لر نی دوام ایتتیره دیگن لیک لری نی بیلدیرگن لیگی نی یازماقده. 

خبرده, اوتمیشده واردات نینگ ضرر لری نی حس ایتگن بیر اولکه ایکن لیک لری نی معلوم قیلگن ایردوغان نینگ, "تورکیه مدافعه صنایع سی بوییچه تولید ظرفیتی ینه ده آرتیریله دی, انشاءالله اولکه میز اوز هدف لری گه تیزده نایل بوله دی" دییه قید ایتگن لیگی ایسله تیلماقده. 

ینی شفق روزنامه سی, تورکیه جمهوریتی جمهوررئیسی نینگ اورینباسری فواد اوکتای نینگ, اوروپا بیرلیگی کمیسیونی نینگ باشلیغی اورزولا فن در لاین نینگ 'اوروپا بیرلیگی (قبرس ده)  ایککی دولت لی ییچیم بوییچه بیر نرسه نی هیچ قچان قبول قیلمه یدی' شکلیده گی سوز لری توغریسیده, "بیز اوروپا بیرلیگی نینگ حاضرگی کون گه قدر حقسیزلیک, تینگسیزلیک, اورته ییر دینگیزی و ایگه ی دینگیزیده یوز بیرگن بحران لر و بشری قیین چیلیک لر باره سیده 'هیچ قچان' بحث ایتگن لیگی نی کورمه دیک" دییه قید ایتگن لیگی نی بیلدیرماقده. 

وطن روزنامه سی, تورکیه ده ایشلب چیقاریلگن آقینچی TİHA (تعرضی اوچووچیسیز اوچاق) نینگ تاریخی بیر موفقیت قولگه کیریتگن لیگی نی معلوم قیلماقده. 

خبرده, اوزون اوچیش و یوکسک ارتفاع جهتی دن تست ایتیلگن اوشبو اوچاق نینگ 38039 فیت (11594 متر) گه چیققن لیگی ایسله تیلماقده. 

روزنامه, شونده ی قیلیب تورکیه ده ایشلب چیقاریلگن بونده ی بیر اوچاق نینگ بیرینچی مرته بو طریقه یوکسک لیکده اوچگن لیگی نی یازماقده. 

صباح روزنامه سی, تورکیه جمهوریتی مالیه وزیری لطفی الوان نینگ, لندن ده گی تورک- انگلیس تجارت و صنایع اتاقی نینگ باشلیغی آلدرمن ایما ادهم نینگ میزبانلیگیده بولیب اوتگن ییغیلیش گه ویدیوکنفرانس آرقه لی اشتراک قیلگن لیگی نی بیلدیرماقده. 

خبرده, الوان نینگ, "اقتصادی وضعیت, اصلاحات برنامه میز و اولکه میزده گی سرمایه گذارلیک امکانیت لری میز باره سیده بحث ایتدیک. تورکیه, اقتصادی همکارلیک و ترقیات تشکیلاتی اولکه لری آره سیده سرمایه گذارلیک جهتی دن اینگ تیز رواجله نیاتگن اولکه لردن بیری" دییه قید ایتگن لیگی معلوم قیلینماقده.