تورکیه نینگ مطبوعات خلاصه لری
تورکیه نینگ مطبوعات خلاصه لری
حریت گزیته سی: ایردوغاندن فلسطین اوچون دیپلوماسی اوچره شوولری سرلوحه سی بیلن خبر بیردی.
اسرائیل تامانیدن فلسطینده قول اوریلگن انسانلیک جرمی دنیانینگ اساسی موضوعی گه ایلنگن بولسه هم اولکه لر قاره لش پیاملریدن بشقه نرسه قیلمه دیلر. جمهور باشلیغی رجب طیب ایردوغان بیت المقدس و غزه ده گی قتل عام نی توخته تیش اوچون واسطه چیلیک قیلدی. ایردوغان اولاً اردون قیرالی 2- عبدالله اونینگ آرتیدن کویت امیری شیخ نواف الاحمد الجابر الصباح بیلن تیلفون آرقه لی صحبت قیلدی.
صباح گزیته سی: ایردوغان خلق ارا همجمعیت نی حرکت گه اوتکزدی
علاقه بولیمی باشچیسی فخرالدین آلتون جمهور بالشغی رجب طیب ایردوغان نینگ بیرلشگن ملتلر تشکیلاتی قاله ویرسه خلق ارا اداره لر و دولتلرنینگ دقتینی اسرائیل تامانیدن قول اوریلگن دولت تروری گه تارتیش گه موفق بولگن لیگینی بیلدیردی. آلتون دنیانینگ بو ظلم تیزیمی گه قرشی پرواسیز قالیشی گه رخصت بیرمه یمیز. فلسطین نینگ اشغال ایتیلیشی گه رخصت بیرمه یمیز" دیدی.
خبر تورک گزیته سی: 5 ته حزبدن اسرائیل گه مشترک قاره لش
تورکیه بویوک ملت مجلسیده عدالت و ترقیات حزبی، جمهوریت خلق حزبی، خلقلرنینگ دموکراتیک حزبی، ملیتچی حرکت حزبی و ایی حزب نینگ تورکیه بویوک ملت مجلسی گروپلری مشترک اعلامیه ترقه تیب اسرائیل تامانیدن مسجد اقصی گه قیلگن هجومینی قاره له دی. اعلامیه ده اسرائیل نینگ خلق ارا قانون گه ضد عمللری گه قرشی خلق ارا همجمعیت نینگ بوندن آرتیق وقت اوتکزمه ی تاثیرلی و نتیجه بیره دیگن شکلده حرکت قیلیشی بوییچه دنیاگه چقیریق قیلدی.
یینی شفق گزیته سی: اسرائیل گه قرشی تورکیه بیر یوراک بولدی
اسرائیل تامانیدن فلسطین و مسجد اقسی گه قول اوریلگن هجوملرگه قرشی تورک خلقی کوچه لرگه چیقدی. انچه ولایتده اون مینگلب کیشی اسرائیل پولیسی تامانیدن فلسطینلیکلرگه اویوشتیریلگن هجوملرنی قاره له دی. قوللریدن تورک و فلسطین بیراقلری بیلن شعار بیریب دوعا قیلدیلر.
ستار گزیته سی: لیبیاده تورکیه اوچون کتته فرصت سرلوحه سی بیلن خبر بیردی.
تورکیه نینگ طرابلس بویوک ایلچیسی کینان ییلمز تورکیه و لیبیا اورته سیده گی مناسبتلرنینگ یخشی شکلده دوام ایتیب تورگن لیگینی و لیبیاده تورک تجارلری اوچون کتته فرصتلر بولگن لیگینی ایتدی. ییلمز اقتصادی ساحه ده تورک سوداگرلریمیز، صادراتچیلریمیز، سرمایه کیریتووچیلریمیزگه کتته فرصتلر بار. لیبیاگه کیلیشلری اوچون دعوت قیله من" دیدی.
