تورکیه نینگ مطبوعات خلاصه لری
تورکیه نینگ مطبوعات خلاصه لری
حریت گزیتهسی: «ایردوغان مقّدس رمضان آییدن کیین شوشه شهریگه تشریف بویوریشینی بیلدیردی» سرلوحهسی بیلن خبر بیردی.
خبرده یازیلیشیچه، تورکيه دولت باشلیغی رجب طیب ایردوغان ایردوغان تورکي کینگشی دولت باشلیغلری جلسه سیده سوزلهگن نطقیده مقّدس رمضان آییدن کیین تاغلی قارهباغدهگی شوشه شهریگه تشریف بوویوریشینی معلوم قیلدی.
« قارهباغدهگی تورکي یادگارلیکلرنی حمایه قیلیش و قَیته تیکلشده آذربایجاننی قوللب-قوّتلشده دوام ایتیشیمیز مهمدیر. امید قیلهمنکی، تیز آرهده رمضان آییدن سونگ بیز شوشهگه تشریف بویورهمیز، بو بیز اوچون ینه بیر بیرهمگه ایلنهدی»، -دیدی.
صباح گزیتهسی: «تورکيهدن امریکا قوشمه ایالتلریگه کیسکین اعتراض» سرلوحهسی بیلن خبر بیردی.
خبرگه کوره، تورکيه تشقی ایشلر وزیرلیگی امریکا قوشمه ایالتلری نینگ انسان حقلری بوییچه راپوریگه کیسکین اعتراض بیلدیردی.
«دموکراسیمیزگه قصد قیلگن، یوزلب وطنداشیمیزنی قتل ایتگن 15 جولای واقعهلریدن جوابگر فتو نی «گُلن حرکتی» دیب اتهگنلیگی امریکا قوشمه ایالتلری نینگ اوشبو ترور تشکیلاتی گه قرشی کورهشیمیزنی حلی هم ادراک ایته آلمه گنلیگینی کورسهتهدی. شونینگدیک، اوشبو راپورنی تیارلش جریانیده ینه اوشبو آقیم وکیللری نینگ فکرینی انابتگه آلگنلیگینی نمایان قیلهدی»،-دییلهدی بیاناتده.
ستار گزیتهسی: «وزیر مصطفی ورهنک نینگ محلي واکسين بوییچه بیاناتی» سرلوحهسی بیلن خبر بیردی.
خبرگه کوره، تورکيه صنایع و تکنالوژي وزیری مصطفی ورهنک محلي وهاکسین ایشلب چیقریش بوییچه فعالیتلرگه تیگیندی. «واکسین ایشلب چیقریش بوییچه برچه سیناو باسقیچلری موفقیتلی یکونلنسه، جاري ییل آخریده 50 میلیون دوز واکسین گه ایگه بولهمیز»، دیدی.
خبر تورک گزیتهسی: «فاتح کیمهسی تورکالی-2 قودوغیده 3950 مترگچه قازیدی» سرلوحهسی بیلن خبر بیردی.
خبرگه کوره، فاتح بورغولش کیمهسی سکريهدهگی طبيعي گاز زخیرهسی میدانیدهگی ایکّینچی تورکالی-2 قودوغیده 3950 متر چوقورلیککهچه قازیش ایشلرینی آلیب باردی و قودوقدهگی فعالیتلرینی موفقیتلی یکونلهدی.
یینی شفق گزیتهسی: «تورک هوا یوللریدن یولاوچیلرگه بیپول خدمت» سرلوحهسی بیلن خبر بیردی.
خبرگه کوره، تورک هوا یوللری یولاوچیلر اوچون «PressReader» آرقهلی تورلی دولتلرده نشر قیلینگن گزیته و مجله لرنی بیپول اوقیش امکانیتینی یراتدی. یولاوچیلر پروازدن 24 ساعت آلدین و پروازدن کیینگی 24 ساعتگچه «PressReader»دهگی برچه معلوماتلرگه بیپول ایریشیشی ممکن.