تورکیه نینگ مطبوعات خلاصه لری

وطن گزیته‌سی: «استقلال ملی مدحیه میز بوتون مظلوملرگه الهام منبعیی بولدی» سرلوحه‌سی بیلن خبر بیردی.

خبرده یازیلیشیچه، تورکيه جمهور باشلیغی رجب طیب ایردوغان تورکيه خلق شاعری مِحمد عاکف ایرسوی تامانیدن یازیلگن ملی مدحیه‌سی آزادلیک کوره‌شیده بوتون مظلوملرگه الهام منبعی بولگنلیگینی تأکیدله‌دی.

تورکيه ملي مدحیه‌سی دنیا نینگ بیر قطار مملکتلریده حکم سوره‌یاتگن مستملکه‌ توزوم نینگ تاپته‌لیشیگه حصه‌ قوشگنینی اعتراف ایتگن ایردوغان: «محمد عاکف ایرسوی کبی اولوغ شاعرگه، استقلال مدحیه سی کبی مستقللیک بیان نامه سیگه ایگه‌ بولگنیمیز اوچون قنچه‌لیک شکر ایتسه‌ک آز» دیدی.

یینی شفق گزیته‌سی: «ایردوغان: پاندیمي شرایطیده ساغلیقنی سقلش ساحه‌سیده داستان یازدیک» سرلوحه‌سی بیلن خبر بیردی.

خبرگه کوره‌، تورکيه جمهور باشلیغی رجب طیب ایردوغان کرونا‌ویروس پاندیميسی تورکيه‌گه کیریب کیلیشی آرتیدن اوتگن بیر ییلده ساغلیقنی سقلش تیزیمیده مقتش گه لایق تشبثلر عملگه آشیریلگنلیگینی معلوم قیلدی. «ساغلیقنی سقلش خادملریمیز نینگ فداکارانه‌ محنتی بیلن، شونینگدیک ینگی و ایلغار تکنالوژي‌لر بیلن جهازلنگن شفاخانه‌لریمیز بیلن ساغلیقنی سقلش تیزیمیده گویا داستان یازدیک»،-دیب ایتگن.

صباح گزیته‌سی: «ساغلیقنی سقلش وزیری فخرالدین کوجه:کوید-19 قورقووی 2021 ییلده دوام ایتمه‌یدی» سرلوحه‌سی بیلن خبر بیردی.

خبرگه کوره‌، تورکيه ساغلیقنی سقلش وزیری فخرالدین کوجه تورکيه اهالیسی نینگ 50 میلی.نی بهارده کرونا‌ویروسگه قرشی ایملنگن تقدیرده، پاندیمي نینگ کوچی آزه‌ییشینی، ویروس نینگ تیزکار ترقه‌لیش درجه‌سی پسه‌ییشینی معلوم قیلدی.

«مملکتیمیزده واکسین کمپاینی موفقیتلی دوام ایتماقده. کوید-19 قورقووی 2021 ییلده دوام ایتمه‌یدی»،-دیدی.

حریت گزیته‌سی: «تورکيه کوید-19 پاندیميسی بوییچه‌ تجربه‌سینی دنیا بیلن اورتاقلشه‌دی» سرلوحه‌سی بیلن خبر بیردی.

خبرگه کوره‌، تورکيه جمهور رئیسلیک علاقه بوییچه‌ باشقرمه لیگی بیر ییل دوامیده‌ تورکيه‌ده پاندیمي‌گه قرشی آلیب باریله‌یاتگن کوره‌شگه قره‌تیلگن «turkiyestopscovid.com» انتیرنیت سایتینی تشکیل قیلدی. «انسانیت اوچون» شعاری آستیده تورک و انگلیس تیللریده آچیلگن انتیرنیت سایتی تورکيه‌ نینگ پاندیمي‌گه قرشی کوره‌شیش جریانیده آلیب باره‌یاتگن فعالیتلرینی اوز ایچیگه آلگن.