تورکیه نینگ مطبوعات خلاصه لری
تورکیه نینگ مطبوعات خلاصه لری
تورک گزیتهسی: «پ ک ک گه آغیر ضربه» سرلوحهسی بیلن خبر بیردی.
خبرده یازیلیشیچه، 10 فبروریده تورکيه قوراللی کوچلری تامانیدن عراق نینگ شِمالیدهگی غارا حدودیده ترور تشکیلاتی پ ک ک گه قرشی باشلهتیلگن «بورگوت پنجهسی-2» حربي عملیاتی یکونلندی. حربي عملیاتده 53 جنگری یوق قیلیندی. ایکّی جنگری تیریکلهیین قولگه توشیریلدی. ترور موجودیتی ییر بیلن یکسان قیلیندی. ترور تشکیلاتی اوچون ستراتیژیک اهمیتگه ایگه بولگن غارا حدودیده نظارت قولگه آلیندی. جنگریلر تامانیدن 13 نفر تورک فقراسی نینگ قتل ایتیلگنلیگی قارهلندی.
ستار گزیتهسی: «ملي قیرووچی اوچاققه اوزگرتیریش کیریتیلدی» سرلوحهسی بیلن خبر بیردی.
خبرگه کوره، تورکيه نینگ ملي 5- نسل قیرووچی اوچاغی نینگ جنگاوارلیک قابلیتینی آشیریش اوچون پروژه ایشلب چیقیلدی. اوچاق نینگ تخنیکي قِسملرینی ینگیلش و رواجلنتیریش اوچون ملي موتور ایشلب چیقریش کمپنیسی (ترماتار) بیلن کیلیشوو امضالندی. تورکيه نینگ ملي قیرووچی اوچاغی 2023 ییلی فایدهلنیشگه تاپشیریلیشی ریجهلنماقده.
حریت گزیتهسی: «علم نینگ آتشین تورکلری» سرلوحهسی بیلن خبر بیردی.
خبرگه کوره، آخرگی ییللرده تورک عالِملر آلیب بارهیاتگن علمي فعالیتلری بیلن بوتون دنیاده مشهور بولماقده. بیومیدیکال عالِم و تدبیرکار اوزلیم توره جی و پروفیسور اوغور شاهین کروناویروسگه قرشی ایشلب چیقرگن واکسینی بیلن دنیاده امیدگه ایلندی. تورک عالِم کامل اوندیر ایسه، کوید-19 ویروسینی تیز وقت ایچیده انیقلهی آلهدیگن پ س ر تیست ایجاد قیلدی. پروفیسور رحمی اوکلو ایسه، سرطان کسل لیگینی یوق قیلهدیگن ایگینه ایشلب چیقریب، اینیقسه جگر سرطانیگه چلینگن بیمارلر اوچون ینگی امید پیدا قیلدی.
یینی شفق گزیتهسی: ج پ مورگان: «تورکيه 2021 ییلی 4.6 فایز رواجلنهدی» سرلوحهسی بیلن خبر بیردی.
خبرگه کوره، امریکا سرمایه کیریتوو بانکی و مالی خدمتی بوییچه ج پ مورگن کمپنیسی تورکيه نینگ 2020-و 2021 ییلگی رواجلنیش کورسهتگیچینی یوقاری پاغانهگه کوتردی. دسامبر آییده صنایع ایشلب چیقریش ایندیکسی ریکارد درجهده یوقاری اوسیشی آرتیدن ج پ مورگن تورکيه نینگ 2020 ییلگی اقتصادي اوسیش تخمینینی 1.1 فایزدن 1.9 فایزگه، 2021 ییل اوسیش تخمینی ایسه 3.3 فایزدن 4.6 فایزگه چیقردی.
وطن گزیتهسی: «قونیه نینگ آو میلتیقلریگه 65 دولت خریدار» سرلوحهسی بیلن خبر بیردی.
خبرگه کوره، تورکيه نینگ قونیه شهری بیی شهر تومنیده ایشلب چیقریلگن آو میلتیقلری آسیا، اروپا و اوزاق شرقدن توپلم 65 دولتگه صادر قیلینماقده. سکتورده اوز رقیبلرینی آرتده قالدیرگن آو میلتیقلری کورینیشی، صفتی و چیدملیلیگی بیلن خریدارلر اعتباریدن جای آلماقده. اوزاق مصافهگه مولجللنگن نشانچی مِیلتیغی آویسگه ایسه، امریکا قوشمه ایالتلری، نمبيه، تایلند، اندونیزیا و جرمني ده طلب آرتماقده