تورکیه نینگ مطبوعات خلاصه لری

حریت گزیته سی: ایردوغان میچوتاکیس گه قتّیق جواب بیردی سرلوحه سی بیلن خبر بیردی.

جمهور باشلیغی رجب طیب ایردوغان توناون کونی حزبی نینگ مجلسده گی گروپ جلسه سیده یونان باش وزیر کریئاکوس میچوتاکیس گه قتّیق تنقید ایتدی. ایردوغان "تینچلیک اورونیشی بولگنده سین هم بونگه توسیق بولمه، حدینی بیل. سین بعضی بیر تاغلرگه ایشانه سن، سین ایشانگن تاغلرگه قار یاغدی. هیچ بیرته سیدن سینگه فایده یوق، بیراق بیز اوز ایشیمیزنی اوزیمیز بجره میز. بناً مست تورکلرنی یخشی بیلیب آله سن" دیب گپیردی.

وطن گزیته سی: جمهور باشلیغی اورینباسری اوکتای: شمالی قبرس تورک جمهوریتی نی یکه قوییشیمیزنی هیچ کیم کوتمه سین سرلوحه سی بیلن خبر بیردی.

رسمی سفر آرقه لی توناون کونی شمالی قبرس تورک جمهوریتی گه بارگن جمهور باشلیغی اورینباسری فواد اوکتای "بیز قبرس توغریسیده ییچیم نینگ یانیده، حقسیزلیک گه قرشی میز. تورک تامانی عادل، دایمی ییچیم طرفداری" دیدی.

صباح گزیته سی: صنایع وزیری ورنکدن فضا پروگرامی بیاناتی: ایلک غایه میز آی بیلن علاقه برقرار قیلیش سرلوحه سی بیلن خبر بیره دی.

صنایع و تکنالوژی وزیری مصطفی ورنک تورکیه نینگ ملی فضا حمله سی حقیده معلومات بیردی. ورنک "بیزنی اینگ کوپ آی غایه سی هیجانلی قیلماقده. ایلک غایه میز آی بیلن تماس برقرار قیلیش. ایککینچی غایه میز آی نینگ یوزی گه یوموشاق قونیش عملی قیلیش" دیدی.

ستار گزیته سی: روسیه دن تورکیه بیلن تیگیشلی بیانات: همکارلیک که تیارمیز، تکلیف کوته میز سرلوحه سی بیلن خبر بیردی.

روسیه فدرال فضا آژانسیدن بیریلگن بیاناتده تورکیه بیلن روسیه اورته سیده فضا فعالیتلری بیلن تیگیشلی همکارلیک اوچون اورونیشلر آلیب باریلگن لیگی بیلدیریلدی. روسیه تامانی نینگ تورکیه دن موضوع بیلن تیگیشلی انیق تکلیف کوتگن لیگی بیلدیریلدی.

خبر تورک گزیته سی: تورکیش کارگو 2020 ده گی اینگ مهم 5 هوا کارگو شرکتی قطاریگه اورین آلدی سرلوحه سی بیلن خبر بیردی.

تورک هوا یول اجرائیه کمیته سی باشلیغی ایلکر آیچی تورکیش کارگونینگ ینگی تور کروناویروس 0کوید-19) کسل لیگی جریانیده کتته یوتوق قولگه کیریتگن لیگینی معلوم قیلیب "50 یولاوچی اوچاغینی کارگو اوچاغی قیلیب آلدیک. شونده ی بولیب کارگو ظرفیتیمیز کوپه یدی. دنیاده گی اینگ مهم 5 ته هوا کارگو شرکتی قطاریگه اورین آلدیک" دیدی.