تورکیه نینگ مطبوعات خلاصه لری
تورکیه نینگ مطبوعات خلاصه لری
صباح گزیته‌سی: «ف-16لر کوچه یتیریله دی» سرلوحه‌سی بیلن خبر بیردی.
خبرده یازیلیشیچه، تورک هوا کوچلری نینگ اینگ اساسي جنگاوار عنصر‌لریدن بیری بولگن ف-16 حربي اوچاقلرینی کوچه یتریش بوییچه فعالیتلر باشلندی. بو حقده جمهور رئیسلیک دایره سیده گی مدافعه صنایعی باشقرمه سی رهبری اسماعیل دیمیر بیانات بیردی.
«مهندسلر هر بیر اوچاق نینگ 1200-1500ته پرزه سینی ینگیلش و کوچه یتیریش بوییچه تخنیکي فعالیتلرنی آلیب بارماقده. ف-16 حربي اوچاقلریمیزنی مستحکملش و ترکیبي عمرینی 8 مینگ ساعتدن 12 مینگ ساعتگه چیقریشنی کوزده توتیه‌بمیز»،-دیب ایتگن.
ستار گزیته‌سی: «امریکا قوشمه ایالتلری قوروقلیک کوچلری مجله سی آته‌تورکنی مقته‌دی» سرلوحه‌سی بیلن خبر بیردی.
خبرگه کوره، امریکا قوشمه ایالتلری قوروقلیک کوچلریگه عاید «مِیلیتری ریویی» مجله سی تورکيه‌گه اساس سالگن مصطفی کمال آته‌تورک نینگ حربي ییتکچیلیک قابلیبینی اعتراف ایتدی. مقاله‌ده آته‌تورک نینگ چناق قلعه اوروشیده‌گی اوستون لیدرلیگیگه دقّت قره‌تیلدی. او اوروش نینگ ستراتیژیک نقطه‌لریده توغری قرارلر بیرگنی حقیده یازیلدی.
حریت گزیته‌سی: «تورکيه سیاحلر ایشانچینی آقله‌ماقده» سرلوحه‌سی بیلن خبر بیردی.
خبرگه کوره، جهان توریزم فارومی انستیتوتی باش منشیسی طالب رفائی تورکيه نینگ کرونا‌ویروس پاندیميسی شرایطیده توریزم ساحه‌سیده آلگن قطار چاره-تدبیرلرینی یوقاری بهاله‌دی. «تورکيه محلي و خارجي سیاحلرنینگ خوفسیزلیگینی کفالتله‌دی. بونگه بولگن ایشانچ دوام ایتگن تقدیرده، 2021 ییل اوتگن ییلدن ینه هم یخشیراق اوتیشیگه ایشانچیم کامل»،-دیدی.
خبر تورک گزیته‌سی: «تورکيه اتوموبیل بازاری 25ته اروپا دولتینی آرتده قالدیردی» سرلوحه‌سی بیلن خبر بیردی.
خبرده یازیلیشیچه، 2020 ییل آخریده تورکيه اتوموبیل صادراتی بوییچه اروپا مملکتلری آره‌سیده 6-ا‌وریننی ایگلله‌دی. اتوموبیللرنی ساتیش بوییچه 4-ا‌وریندن جای آلدی. تورکيه 2020 ییلی اروپا مقیاسیده اتوموبیل صادرات حجمینی آشیرگن یگانه دولت بولدی.
یینی شفق گزیته‌سی: «قوروتیلگن میوه محصولاتلری صادراتی پاندیمي گه قره‌مه‌ی آشدی» سرلوحه‌سی بیلن خبر بیردی.
خبرده یازیلیشیچه، تورکيه 2020 ییلده هم پاندیمي گه قره‌مه‌ی، قوروتیلگن میوه محصولاتلری صادراتیده‌گی اوسیش سرعتینی سقلب قالدی. عینِمه‌یدیگن، اوزاق مدت سه‌قلنه‌دیگن، اورگانیزم اوچون فایده‌لی بولگن قوروتیلگن میوه محصولاتلریگه طلب آرتدی. اوشبو محصولاتلر آره‌سیده مییز، اوریک قاقی، انجیر قاقی و تاش پسته‌گه طلب کتّه بولدی. اوتگن ییلی 477 مینگ تُن محصولات صادرات قیلینیب، اوندن توشگن درآمد 1.4 میلیون دالرنی تشکیل قیلدی.
