تورکیه نینگ مطبوعات خلاصه لری

وطن گزیته سی: ایردوغان ایلون موسک بیلن اوچره شدی سرلوحه سی بیلن خبر بیردی.

تورکیه جمهور باشلیغی رجب طیب ایردوغان Tesla-SpaceX قورووچیسی ایلون موسک بیلن تیلفون آرقه لی صحبت قیلدی. جمهور باشلیغی ایردوغان، BİP و Telegram آدرسلری ارقه لی بیرگن معلوماتده موسک بیلن بولگن صحبتیده تورکیه ده گی دولت اداره لری و خصوصی سکتورلر بیلن شرکت اورته سیده فضا تکنالوژیلری قاله ویرسه تورلی ساحه لرده همکارلیک بوییچه موضوعلرنی تیلگه آلگن لیکلرینی معلوم قیلدی.

حریت گزیته سی: دنیا ساغلیقنی سقلش گروهیدن تورکیه گه مقتاو سرلوحه سی بیلن خبر بیره دی.

دنیا ساغلیقنی سقلش گروهی تورکیه نماینده سی دوکتور باتیر بیردی قیلچوف "قیسقه دتده 1 میلیوندن آرتیق کیشی واکسینلندی. تورکیه ده ملی واکسین پروگرامی و ظرفیتی جوده قانیقرلی دیر" دیدی.

ستار گزیته سی: تورک بیلیمدانیدن کتته یوتوق سرلوحه سی بیلن خبر بیردی.

اتریشده Procomcure Biotech شرکتی قورووچیسی و باشقرووچیسی تورک دوکتور و بیلیمدان پروفیسر دوکتور کامل اوندر انگلستانده یوزه گه چیققن کروناویروس نینگ ییره گن تورینی تثبیت ایتووچی پ س ر تیستی چیقردی. تیستلر 60 الی 90 دقیقه ده نتیجه بیره دی. همده انچه ارزان همده تیز بوله دی" دیب ایتدی.

صباح گزیته سی: تورکیه گه علاقه نی کوپه یتیره دیگن راپور اعلان بولدی سرلوحه سی بیلن خبر بیردی.

خلق ارا پول فندی آی ایم ایف تخمینلریده تورکیه پاندیمی نینگ باشیدن بیری اوسیش گه دوام ایتگن لیگینی و دوام ایته جگینی ایتدی. پاندیمی گه قره مه ی اوسیب بارگن تورکیه گه آی ایم ایف دن یخشی خبر کیلدی. راپورگه کوره تورکیه جاری ییلده 6 فایز اوسیب علاقه مرگزی بوله دی.

یینی شفق گزیته سی: مسعود اوزیل کیلیشووگه قول قویدی

فنرباغچه ارسینالدن بی پول مسعود اوزیل نی آلدی و امضا مراسمی اوتکزدی. مراسمده بو جماعه نینگ کییمی نی کیشیدن خرسند ایکن لیگینی ایتدی. فنرباغچه بیر رویا ایدی رویا حقیت بولدی دیدی.