تورکیه نینگ مطبوعات خلاصه لری
تورکیه نینگ مطبوعات خلاصه لری
حريت گزیته‌سی: سلیمان سویلو: «غیرِ انساني معامله‌سی قاتللیککه اَیلنماقده».
اجتماعي ترماق تویترده قالدیرگن پُستیده ایچی ایشلر وزیری سلیمان سویلو، یونان نینگ مهاجرلرگه نسبتاً کورسه‌تگن خشونت و غیرِ انساني معامله‌لریگه قتّيق اعتراض بیلدیردی. اروپا اتفاقی ایچکی ایشلر بوییچه کمیشنری ایلوه یاها‌نسسن هشتیگی بیلن بیر ویدیو پایلشگن سلیمان سویلو، «یونانه، فرونتیکس کورمسلیککه آلگن بو جنایتلرگه جواب بیرمه‌یدیمی؟» - دیدی.
یینی شفق گزیته‌سی: تورک هوا یولیدن، قتناولر توخته تیلگن تورت مملکت حقیده بیانات بیردی.
ینگی تورده کرونا‌ویروس نینگ ییره ش گه اوچره‌شی آرتیدن انگلستان، دنمارک، هالند و جَنوبي افریقاگه بولگن قتناولر وقتینچه‌لیک توخته‌تیلدی. تورک هوا یوللری باش مدیری بلا‌ل ایکشی، تویتر آرقه‌لی قالدیرگن پُستیده قتناولر توخته‌تیلگن تورت دولت یولاوچیلری نینگ تکت خرید قیلیب آلیش بوییچه شاشیلمسلیگی کیره‌کلیگینی التماس قیلیب، هیچ قَیسی یولاوچی نینگ زیان کورمسلیگینی بیلدیردی.
صباح گزیته‌سی: اژه دن یولگه قوییلگن ینگی میوه و سبزه جاتلر صادراتی 1 میلیارد دالردن آشیب، ریکارد اورنه‌تدی.
اژه ده‌گی ینگی میوه و سبزه جاتلر صادراتچیلری اویوشمه‌سی رهبری خیرالدین اوچاق، 1 - جنوریدن بیری یولگه قوییلگن صادرات بیلن بیرگه 54 ییللیک صادرات فعالیتلری تاریخیده درآمد نینگ بیرینچی مرا‌تبه 1 میلیارد دالرگه ییتگنینی افاده ایتدی.
ستار گزیته‌سی: اسیلسان ینگی تیزیم ایشلب چیقرماقده.
حربي الکترونیک صنایعی (اسیلسان)، ینگی تور کرونا‌ویروسنی انیقلشده هم فایده‌لنیش امکانی بیرگن ینگی ویروسنی انیقلش تیزیمی ایشلب چیقریلماقده. اسیلسان انجنیری دیدم لا‌له اوزقان، «فقط‌گینه SARS Cov2 گه ایمس، کسلخانه‌لر مال - ملکیگه هم ایلنتیریش امکانی بیرگن جهاز ایشلب چیقردیک» دیدی.
خبر تورک گزیته‌سی: خوانده ایرچیل «دنیا نینگ اینگ چیرایلی عیالی» دیب تنلندی.
امریکا قوشمه ایالتلری نینگ Top Beauty World سایتی، 2020 - ییل نینگ اینگ چیرایلی یوزیگه ایگه 100 کیشینی اعلان قیلدی. اونده تنیقلی اکتریس خوانده ایرچیل، «دنیا نینگ اینگ چیرایلی عیالی» دیب تنلندی. رویخطده خوانده ایرچیلدن تشقری ینه 5 نفر تورک عیالی ا‌ورین آلدی. نسلی خان اته‌گول 89، ایلچین سنگو 83، دیمیت اوزدیمیر 75، فخريه ایوجین 45، توبا بویوک اوستون 29 - قطارگه کیریتیلدی.
