تورکیه نینگ مطبوعات خلاصه لری
تورکیه نینگ مطبوعات خلاصه لری
یینی شفق گزیتهسی: «مظلوملر صداسی بولیشگه حرکت قیلیهبمیز» سرلوحهسی بیلن خبر بیردی.
خبرگه کوره، تورکيه تشقی ایشلر وزیری مولود چاووش اوغلی تورکيه کروناویروسگه قرشی کورهش جریانیده دنیا نینگ اینگ سخي دولتی صفتیده جبرلنگنلرگه یاردم قولینی اوزهتیب کیلهیاتگنلیگینی ایتدی. «مظلوملر صداسی بولیشگه حرکت قیلیهبمیز»،-دیب ایتگن تورکيه تشقی ایشلر وزیری.
وطن گزیتهسی: «تورکيه-ختای یونهلیشیدهگی صادراتینی ییتکزووچی ریل تورکيه نینگ یوتوغیدیر» سرلوحهسی بیلن خبر بیردی.
خبرگه کوره، تورکيه ترانسپورت و زیربنا وزیری عادل قاره اسماعیل اوغلی: «ختایگه صادراتینی ییتکزووچی ریلیمیز استانبولدن یولگه چیقیب، ختای نینگ سیهن شههریگه ییتیب باردی. تورکيه نینگ لوجیستیک بوییچه قدرتینی بوتون دنیاگه اعلان قیلگن ریل تورکيه نینگ تیمیر یوللری خدمتیدهگی اوستون غلبهدیر»،-دیدی.
صباح گزیتهسی: «تورک هوا یوللریده ینگیلیک!» سرلوحهسی بیلن خبر بیردی.
خبرده یازیلیشیچه، تورک هوا یوللری تخنیکي انونیم شرکتی تورکيه نینگ دستلبکی محلي و ملي مادیمینی ایشلب چیقردی. بوندن بویان اوچاقلرده سینما فیلم، موسیقی، ویدیو، گزیته و مجله لرگه ایریشیش اوچون یولاوچیلرگه قولهی امکانیت یراتیلهدی. مادیم خدمتی یولاوچیلرنی سیاحتی دوامیده زیریکتیرمهیدی.
ستار گزیتهسی:«تیریلیش ایرطغرول سریالیدن تأثیرلنیب، پاکستاندن سوغوتگه کیلدیلر» سرلوحهسی بیلن خبر بیردی.
خبرگه کوره، پاکستان دولت تلویزیونیده نمایش قیلینهیاتگن «تیریلیش ایرتوغرول» ناملی تورک تاریخي سیریالی پاکستانلیک مخلصلرنی تورکيهگه سیاحتگه تارتدی. مذکور تاریخي سیریالدن تأثیرلنگن پاکستانلیک اوچ نفر اوسمیر سیریال تصویرگه توشیریلهیاتگن تورکيه نینگ بیلیجیک ولایتی سوغوت تومنیگه کیلدی و او ییردهگی ایرطغرل غازی نینگ قبرینی زیارت قیلدی.