تورکیه نینگ مطبوعات خلاصه لری
تورکیه نینگ مطبوعات خلاصه لری
![تورکیه نینگ مطبوعات خلاصه لری](http://cdn.trt.net.tr/images/xlarge/rectangle/7720/5e13/2a3d/5dc266a138427.jpg?time=1719339780)
حریت گزیتهسی: «ایردوغاندن امریکا قوشمه ایالتلری چیکلاسیگه کیسکین اعتراض» سرلوحهسی بیلن خبر بیردی.
خبرده یازیلیشیچه، تورکيه دولت باشایغی رجب طیب ایردوغان امریکا قوشمه ایالتلری تامانیدن تورکيهگه قرشی چیکلاولر کیریتیلیشیگه مناسبت بیلدیردی.
«امریکا قوشمه ایالتلری تورکيهگه چیکلاو کیریتدی. شونی انیق ایته منکی، 2017 ییلدن بویان امریکا دشمنلریگه قرشی چیکلاولر واسطه سیده کورهشیش قانونی (CAATSA) دایرهسیده تورکيهدن باشقه بیران دولتگه چیکلاو جاري ایتمهگن. ایلک بار ناتوگه اعضا بولگن بیر دولتگه یعنی، تورکيهگه چیکلاو قویدی. بو قندهی اتفاق؟ بو قندهی اتفاقداشلیکدیر؟»دیب اعتراض بیلدیردی.
خبر تورک گزیتهسی: «چاووش اوغلی: پی کاکانی عراقدن تازهلشگه کمکلشهمیز» سرلوحهسی بیلن خبر بیردی.
خبرگه کوره، تورکيه تشقی ایشلر وزیری مولود چاووش اوغلی توناون عراق تشقی ایشلر وزیری فواد حسین بیلن اوچرهشدی. اوچرهشوودن سونگ اوتکزیلگن مطبوعات انجمنیده چاووش اوغلی ترور تشکیلاتی پی کاکا اوّلا اوزی نینگ کرد خلقیگه دشمن ایکنلیگینی ایتدی. «تورکيه عراقنی پی کاکا ترور تشکیلاتیدن بوتونله ی تازهلش اوچون یاردم بیرهدی»،-دیب ایتگن مولود چاووش اوغلی.
صباح گزیته سی: یوتوپ تورکیه اوچون مهم قرار قبول قیلیب آلدی
یوتوپ تورکیه ده بیر نماینده تعیینلش گه قراری قبول قیلیب آلدی. یوتوپ تامانیدن بیریلگن بیاناتده شرکت نینگ شفافلیک، سوز ایرکین لیگ و معلومات قولگه کیریتیلیش گه بولگن صمیمیتی نی قوریقله ن حالده فعالیت آلیب بارگن اولکه لرده محلی قانونلرنی رعایت قیلیش گه اورونگن لیگی بیلدیریلدی.
وطن گزیتهسی: «تورکيهدن موازنتنی اوزگرتیرووچی حمله» سرلوحهسی بیلن خبر بیردی.
خبرگه کوره، تورکيه نینگ اسیلسان و راکیتسان کمپنیلری تامانیدن همکارلیکده ایشلب چیقریلگن دستلبکی ملي و محلي هوا مدافعه تیزیمی «HİSAR-A+'» سیناودن اوتکزیلدی. مدافعه صنایعی باشقرمسی نینگ تویتردهگی صحیفهسیده اوشبو سیناونینگ ویدیو تصویری نمایش قیلیندی. سیناو موفقیتلی یکونلندی.
ستار گزیتهسی: «کوید-19گه قرشی واکسین ایشلب چیقرگن تورک عالِم «ییل آدمی» دیب تاپیلدی» سرلوحهسی بیلن خبر بیردی.
خبرگه کوره، فینانسیال تایمیس نشری کوید-19گه قرشی واکسین ایشلب چیقرگن جرمني نینگ بیانتیچ کمپنیسی رهبری پروفیسراوغور شاهین و اوزلیم توره جینی «ییل آدمی» دیب تاپدی. «پروفیسر اوغوور شاهین و اوزلیم توره جی بیر ییلدن آز وقت ایچیده کوید-19گه قرشی واکسین ایشلب چیقریب، فوق العاده علمي موفقیتنی قولگه کیریتدی»، دییلگن خبرده.