تورکیه نینگ مطبوعات خلاصه لری
تورکیه نینگ مطبوعات خلاصه لری
وطن گزیته‌سی: تورکيه، شرقي اورته ییر و اژه دینگیزیده‌گی حقلرینی حمایه قیلیشده قرارلی. ملي مدافعه وزیرلیگی تامانیدن بیریلگن بیاناتگه کوره تورکيه نینگ، خلق‌ارا حقوق و یخشی قوشنیچیلیک مناسبتلری طرفداری ایکنلیگی تأکیدلندی. بیاناتده تورک قوراللی کوچلری اژه و شرقي اورته ییر دینگیزیده یورتیمیز بیلن شمالي قبرس تورک جمهوریتی نینگ حق – حقوق، علاقه و منفعتلرینی حمایه قیلیشنی، قبرس آرالیده خلق‌ارا کفالت و اتفاق کیلیشوولری اساسیده تینچلیک و خوفسیزلیکنی تأمینلشنی دوام ایتماقده». دییلدی.
یینی شفق گزیته‌سی: قاره‌باغده قوریلیش وقتی.
تورکيه بویوک ملت مجلسی تورکيه – آذربایجان پارلمانلررا دوستلیک گروهی رهبری شامیل اَیریم، 30 ییل اشغال آستیده قالگن قاره‌باغده زیربنا، تورر – جای بنالری، مکتب، کتبخانه، جامع مسجدی و کلیسالرنینگ قالمه‌گنینی، همه‌سی نینگ ارمنستان تامانیدن یوق قیلینگنینی قید ایتدی. شامیل اَیریم، «بولر تورک شرکتلری تامانیدن قوریله‌دی. ینگی تورر – جای لری تشکیل ایتیلیب، زیربنا‌لر برپا ایتیله‌دی» دیدی.
ستار گزیته‌سی: تورکيه هر دایم آذربایجان نینگ یانیده‌دیر.
آذربایجان دیاسپاره‌سیدن مسوول دولت کمیته‌سی رهبری اورین‌باسری ایلشا‌د علی یف، ارمنستان بیلن بولگن اوروش چاغیده تورکيه دیا‌سپاره‌سی بیلن بیرگه‌لیکده دنیا نینگ تورلی نقطه‌لریده هر قنده‌ی تدبیرلر اویوشتیرگنلیکلرینی ایسله‌تیب اوتگن حالده، «دییرلی دستورلریمیزنینگ همه‌سیده تورکيه بیزنی یالغیز قویمه‌دی» دیدی. «کتّه ایشلرنی بجریشگه ایریشدیک». دیگن علی یف، برچه تورکيه دیا‌سپاره‌سی بیلن چیت ایلّیک تورکلر و قرینداش جمعیتلر ییتکچیلیگیگه منّتدارچیلیگینی ییتکزدی.
خبر تورک گزیته‌سی: تونیسگه اوچووچیسیز هوا واسطه‌سی صادراتی.
تورک هواچیلیک صنایعی توسه(توساش) تونیس حربي – هوا کوچلری قوماندانلیگیگه 80 میلیون دالرگه 3 دانه انقه مودلده‌گی «اوچووچیسیز هوا واسطه‌سی» بیلن 3 دانه «ییرنی نظارت قیلیش تیزیمی» تاپشیره‌دی. کیله‌سی ییللرده بو رقملرنینگ آرتیشی هم ممکن. تونیسدن کیلگن 52 نفر اوچووچی بیلن تخنیکي خادمگه هم انقره‌ده، توساش تأسیسلریده کیره‌کلی تمرینلر اوتکزیله‌دی.
صباح گزیته‌سی: دوبی – استانبول اوچیشلری قیته دن باشلنه دی
ینگی تور کروناویروس (کوید-19) کسل لیگی باعث توخته تیب قوییلگن 9 آیلیک مدتدن کیین دوبی – استانبول اوچیشلری قیته دن باشلنه دی.
فلای دوبی شرکتی دوبی – استانبول صبیحه گوکچن قونلغه سیده گی اوچیشلری نینگ 17 دسامبر کونیدن اعتباراً باشله شیدن خبر بیردی.
بیاناتده اوچیشلر اوچون تکت ساتیشلریگه باشلنگن لیگی قید ایتیلدی.
فلای دوبی، کوید-19 چاره – تدبیرلری چوکاتیده استانبول اوچیشلرینی جاری ییل نینگ 17 مارچ تاریخیده توخته تیب قویگندی.
