تورکیه نینگ مطبوعات خلاصه لری
تورکیه نینگ مطبوعات خلاصه لری
وطن گزیته‌سی: آذربایجان جواب قیتریش هجومی دیب بیرگن سرلوحه سیده آذربایجان – ارمنستان اورته‌سیده‌گی توقنه‌شوو دوام ایتماقده. آذربایجان مدافعه وزیرلیگی، ارمنیستان قوراللی کوچلریگه قرشی حربي فعالیتلری و خلق نینگ خوفسیزلیگینی تأمینلش مقصدیده جبهه چیزیغی بویلب جواب قیتریش هجومی حقیده قرار قبول قیلگنینی معلوم قیلدی. توناون سحرلب ارمنستان – آذربایجان جبهه چیزیغیده، ارمنی کوچلری آذربایجان مسکونی منطقه لریگه قرشی اوق اوزیشی نتیجه‌سیده توقنه‌شوولر باشله‌گندی. آذربایجان اوردوسی بونگه جواب طریقه‌سیده هجوم باشله‌تیب، بعضی مسکونی منطقه لرینی اشغالدن قوتقردی.
خبر تورک گزیته‌سی: تورکيه آذربایجاننی قوللب – قوّتله‌ماقده. جمهور باشلیغی رجب طیب ایردوغا‌ن آذربایجانگه قرشی اویوشتیریلگن هجوملرگه ینه بیرینی علاوه ایتگن ارمنستان نینگ ینه بیر بار، منطقه‌ده‌گی تینچلیک و برقرار‌لیک آلدیده‌گی اینگ ییریک خوف ایکنینی قید ایتدی. ایردوغا‌ن، «تورک خلقی هر دایم بولگنیدیک بوگون هم برچه امکانلری بیلن آذربایجانلیک قرداشلری نینگ یانیده‌دیر.» دیدی.
صباح گزیته‌سی: شمالی قبرس تورک جمهوریتی آذربایجان نینگ یانیده ایکنینی ییتکزدی. شمالي قبرس تورک جمهوریتی جمهور باشلیغی مصطفی آقینجی، ارمنستان نینگ آذربایجان توپراقلریگه قرشی اویوشتیریلگن هجوملرنی قاره‌له‌دی. جمهور باشلیغی آقینجی موضوع حقیده یازمه روشده بیرگن بیاناتیده، ارمنستان و آذربایجان اورته‌سیده اونلب ییلدن بیری حل قیلینمه‌گن قاره‌باغ معماسی نینگ ینه بیر بار توقنه‌شووگه ایلنگنینی قید ایتدی. آقینجی، «دوست و قرداش آذربایجان خلقیگه قبرس تورک خلقی نامیدن بیردملیگیمیزنی ییتکزه‌من.» دیدی.
یینی شفق گزیته‌سی: تورک قوراللی کوچلری اوچون ینگی دافع هوا توپی.
تورکیه قوراللی کوچلری، بوتونله‌ی محلي و ملي امکانلر بیلن ایشلب چیقریلیب، آتیش سیناولریدن موفقیتلی روشده اوتگن 25 ملی‌مترلیک دافع هوا توپی تیزیمینی اینوینتریگه قوشیشگه تیارلنماقده. زره لی واسطه‌لر و اوزاقدن باشقه‌ریله‌دیگن قورال قلعه‌‌لریده فایده‌لنیله‌دیگن اوشبو دافع هوا توپی، هر قنده‌ی هوا شرایطیده و اوروش میدانلریده اینگ اساسي قورال صفتیده خدمت قیله آله‌دی.
ستار گزیته‌سی: تیکنافیست 2020 موفقیتلی روشده تماملندی.
بو ییل اوچینچیسی اویوشتیریلگن دنیا نینگ اینگ ییریک هواچیلیک فضا و تکنالوژي فستیوالی «تیکنافیست 2020 غازی انتیب» کتّه هیجان بیلن اوز یکونیگه ییتدی. تورت کون دوام ایتگن تکنالوژي فستیوالی دایره‌سیده 21 کتگوری‌ده اویوشتیریلگن مسابقه‌ده یوقاری ا‌وریننی ایگلله‌گن اشتراکچیلرگه مکافا‌تلر بیریلدی. تورک یولدوزلری و سولو تورک تامانیدن فستیوالده نمایش ایتیلگن عجایب پروازلری قیزیقیش بیلن تماشا قیلیندی. اولر آره‌سیده اتاک تیک اوچرلری علیحده آلقیشگه سزاوار بولدی.
