تورکیه مطبوعاتیدن خلاصه لر 16.09.2020

ینی شفق روزنامه سی, تورکیه نینگ, ناوتکس اعلان ایتیب میلادی 1923- ییل ده امضالنگن لوزان معاهده سی دایره سیده خیوس ارالی نینگ نظامی بولمسلیگی کیره ک ایکن لیگی نی بیلدیررایکن, بیراق اوشبو ارال نینگ خوددی شوو خصوصیتی نی قولدن بیریب قویگن لیگی نی معلوم قیلگن لیگی نی ایسلتماقده.

خبرده, یونان نینگ, 1960 – ییل دن بیری نظامی بولمس لیگی کیره ک بولگن ارال لر نی قورالنتیریاتگن لیگی و تورکیه نینگ ملی خوفسیزلیگی گه تهدید تشکیل ایتیاتگن لیگی معلوم قیلینماقده. 

روزنامه, تورکیه نینگ بیر نیچه مرته آتن رهبریتی نی ارال لر نی قورالسیزلشتیریش گه چقیرگن لیگی و عینی دمده ینه بیر ناوتکس اعلان ایتیب اورته ییر دینگیزی ده وظیفه اجرا قیلیاتگن یاووز سونداژ کیمه سی نینگ وظیفه سی مدتی نی 12 اکتوبر گه قدر تمدید قیلگن لیگی نی یازماقده. 

ستار روزنامه سی, تورکیه جمهوریتی تشقی ایش لر وزیری مولود چاووش اوغلی نینگ, تورکیه نینگ, اورته ییر دینگیزی ده گی مسئله لر بوییچه یونان بیلن مذاکره گه تیار ایکن لیگی نی بیلدیررایکن, "ینگی یونان حکومتی نینگ مثبت جواب قیتریشی نی امید ایته من. اوشبو دایره ده, یونان گه تورکیه بیلن مذاکره گه یانداشمی اوروپا بیرلیگی نینگ بیهوده حمایتی گه ایشانیشی نینگ, مسئله لرنینگ ییچیلیشی گه کتته توسیق بوله دیگن لیگی نی بیلدیرماقچی من" دییه قید ایتگن لیگی نی معلوم قیلماقده.   

وطن روزنامه سی, اوروپا پارلمانی عمومی کینگشی ییغیلیشی ده تورکیه نینگ شرقی اورته ییر دینگیزی ده آلیب باریاتگن سونداژ فعالیت لری توغریسیده بحث ایتیلگن لیگی نی معلوم قیلماقده. 

خبرده, اوشبو ییغیلیش ده معروضه قیلگن اوروپا بیرلیگی تشقی علاقه لر عالی نماینده سی جوزب بورل نینگ, تورکیه نینگ شرقی اورته ییر دینگیزی ده کونساین آرتیب باریاتگن نفوذی گه دقت قره تگن لیگی ایسله تیلماقده. 

روزنامه, تورکیه نینگ سابق ده گی دیک کوچلی بولگن لیگی نی بیلدیرگن بورل نینگ, "تورکیه بیلن ضدله شیب معما لرنی ییچیش نینگ ممکن ایمس لیگی انیق" دییه قید ایتگن لیگی نی یازماقده. 

حریت روزنامه سی, تورکیه جمهوریتی تجارت وزیری رخسار پکجان نینگ, ینگی تور کرونا ویروس (کووید 19) پاندمی سی نینگ خلق ارا اقتصاد گه منفی تاثیر قالدیریاتگن خوددی شوو کون لرده تورکیه نینگ اقتصادی کوچی نینگ کوپلب اولکه لردن یخشی ایکن لیگی نی بیلدیرگن لیگی نی معلوم قیلماقده. 

خبرده, پکجان نینگ, "جاری ییل نینگ سونگگی دن باشلب, اینیقسه 2021- ییل ده تشقی بازار لر ده گی وضعیت یخشی بوله دی و شونده ی قیلیب اینگ تیز اقتصادی وضعیتی نی توزه تیب آلگن اولکه لر قطاری گه کیره میز" دییه قید ایتگن لیگی ایسله تیلماقده. 

صباح روزنامه سی, تورکیه نینگ صنایع تولیداتی بوییچه ییل لیک سطح ده 4,4 فایز مقیاسیده رواجله نیب آیرلند, ناروی و چین آرتیدن تورتینچی و آی لیک مقیاسده ایسه 8,4 فایز رواجله نیب پرتگال و اسپانیا آرتیدن اوچینچی اورین گه ایگه بولگن لیگی نی یازماقده. 

خبرده, تورکیه ده تورتینچی ربع ده هم اوشبو ساحه بوییچه کتته موفقیت لرنینگ قولگه کیریتیلیشی نینگ کوتیلیاتگن لیگی ایسله تیلماقده.