تورکیه نینگ مطبوعات خلاصه لری
تورکیه نینگ مطبوعات خلاصه لری
حریت روزنامه سی "دولت باشلیغی ایردوغان نینگ ایاصوفیه حقیده‌گی بیاناتی"
دولت باشلیغی رجب طیب ایردوغان، آیا‌صوفیه‌نی عبادت قیلیشگه قیته‌دن آچیش توغریسیده‌گی قرارگه تیگیشلی "ایاصوفیه نینگ مقامی بیلن باغلیق اینگ آخرگی قرار قبول قیلووچیلر باشقه آدملر ایمس، بلکه تورک ملتیدیر. بو بیز نینگ ایچکی مسأله‌میزدیر. باشقه مملکتلر ایسه قبول قیلینگن قرارگه فقط حرمت قیلیشلری کیره‌ک» دییه قید ایتدی.
ستار روزنامه سی "چاووش اوغلیدن لیبیا توغریسیده آچیق بیانات"
تشقی ایشلر وزیری میولوت چاووش اوغلی فینانسیا‌ل تایمز‌گه بیرگن بیاناتیده، لیبیا حکومتی مملکت شرقیده‌گی ناقانوني قوراللی کوچلر ییتکچیسی خلیفه حفترگه علاقه‌دار کوچلر سیرته و جفره حدودلریدن چیقیب، 2015 ییلده‌گی اوز صفلریگه قَیتگن تقدیرده‌‌گینه صلحنی قبول قیلیشلری ممکنلیگینی ایتدی. اونینگ سوزلریگه کوره، لیبیا حکومتی حفترگه قره‌شلی کوچلر اوشبو منطقه‌لردن تارتیب آلینمه‌گن تقدیرده ، هجومنی دوام ایتتیریشگه قرارلی دییه قید ایتدی.
وطن روزنامه سی " تورکيه و کورفز دولتلری اورته‌سیده صنعی سودا کوپریگی تشکیل ایتیله‌دی"
تورکيه سودا وزیرلیگی دوبی سودا اتشه‌سی نینگ تشبثی بیلن کورفز مملکتلری و تورکيه اورته‌سیده الکترونیک تجارت پلاتفورمی مقصدلی صنعی سودا کوپریگی تشکیل ایتیله‌دی.
صباح روزنامه سی، "بیز دنیاده‌گی اوچ دولتدن بیریگه ایلندیک.
مدافعه صنایع باشقرمه سی رهبریتی تورکيه قوراللی کوچلری چوکاتیده برچه M60T تانکلرینی M60TM سويه‌سیگه کوتردی. ملی صنایع باشقرمه سی باشلیغی اسماعیل دیمیر "تانکلریمیزنی فعال حمایه تیزیملری بیلن مودرنیزیشن قیلیش آرقه‌لی بیز اوشبو امکانیتگه ایگه بولگن دنیا نینگ اوچ مملکتیدن بیریگه ایلندیک"، دیدی.
یینی شفق روزنامه سی "تورکيه نینگ محلي و قورال جهازلری آنلا‌ین اویینده "
تورک ماد جماعه‌سی اعضالری تامانیدن ایشلب چیقیلگن دستوري تأمینات بیلن دنیاده‌گی اینگ کوپ اوینه‌گن (First Person Shooter-Birinci Şahıs Nişancı) آنلا‌ین اویینلری، بیرا‌قدار ایها و سیها، انقه، کوبره، چیان، کیرپی، اتاق تیک اوچری و آلتا‌ی تانکی، مهمات و قوراللری هم اویینگه قوشیلگن. شو طرزده، اویین اوینه‌یاتگنلر تورک قوراللی کوچلری یاکه فرات قلقانی، زیتون نوده‌سی ، تینچلیک بولاغی و لیبیا عملیات حدودلریده ایشلشلری ممکن.
