تورکیه نینگ مطبوعات خلاصه لری
تورکیه نینگ مطبوعات خلاصه لری
صباح روزنامه سی: «تورکيه تیزلیک بیلن نورمال حیاتگه قهیتماقده»
تورکيه جمهور باشلیغی رجب طیب ایردوغان تورکيهده کروناویروس قربانلری سانی کون سیین کمهییب بارهیاتگنلیگینی معلوم قیلدی.
«کوما حالتده دوالنهیاتگن و صنعي نفس آلیش جهازیگه باغلنگن کسللر سانی هم تاباره کمهیماقده. ساغهیگنلر سانی و تیست قیلینگنلر سانی هم آرتماقده. بو نتیجهلر بعضی چیکلاولرنی یومشهتگن حالده استه-سیکین نورمال حیاتگه قَیتیش امکانیتینی بیرهدی»،-دیب ایتگن.
خبر تورک روزنامه سی: « TÜBİTAKدن دارو و واکسین خوش خبری»
تورکيه علمي و تکنالوژیک تدقیقاتلر تشکیلاتی (TÜBİTAK) رهبری پروفیسور حسن مندهل کروناویروسگه قرشی دارو و واکسین ایشلب چیقریشگه بغیشلنگن توپلم 17 ته پروژه عملگه آشیریلهیاتگنلیگینی معلوم قیلدی.
«امید قیلهمنکی، یاز آیلریده مهم باسقیچگه اوته میز. یعنی دارولرنی قوللب باشلهیمیز. بلکه بوندن هم ایرتهراق عملگه آشیریشیمیز هم ممکن. جون آییده جماعتچیلیککه بو خصوصدهگی خوش خبرنی ییتکزیشنی ایستهیمیز»،-دیب ایتگن.
ستار روزنامه سی: «کروناویروس دنیانی تورکيه فایدهسیگه اوزگرتیرهدی»
قطرده فعالیت کورسهتگن الجزیره تلویزیونی نینگ سابق دایریکتری و الشرق فارومی رهبری ودده هنفر معلوم قیلیشیچه، کروناویروس دنیاده کوچ موازنتینی اوزگرتیرماقده. تورکيه هم منطقوي درجهده بوندن تأثیرلنهدی. تورکيه حربي جهتدن ینهده کوچهیدی، یوقاری تکنالوژيلرگه ایریشدی و اقتصادي امکانیتلرینی کینگهیتیردی.
وطن روزنامه سی: «دیزینفیکتن صادراتی 10 برابرگه آشدی»
2019 ییل نینگ جنوری-اپریل دوریده 8.6 میلیون دالرنی تشکیل قیلگن دیزینفیکتن صادراتی جاري ییل نینگ عینِ دوریده 90 میلیون دالرگه آشدی. بو دورده تورکيهدن اساسن شمالي قبرس تورک جمهوریتی، عراق و ایرانگه دیزینفیکتن صادراتی عملگه آشیریلدی.
حریت روزنامه سی: « The Economist یازدی: تورکيه موازنتنی اوزگرتیردی»
انگلستان نینگ « The Economist» روزنامه سی نینگ خبریگه کوره، بیرلشگن ملتلر تشکیلاتی تامانیدن تن آلینگن لیبیادهگی قانوني حکومت «ملي کیلیشوو حکومتی» الطرابلس نینگ غربیده و جنوب - شرقیده آلیب بارهیاتگن عملیاتلرده تورکيه نینگ یاردمی بیلن موفقیتگه ایریشماقده.
اوشبو عملیاتلر دایرهسیده خلیفه حفتر کوچدن قالگنلیگینی بیلدیردی. شونینگدیک، خبرده، تورکلرنینگ درانلری و اوچووچیسیز هوا واسطهلری منطقهدهگی موازنتنی اوزگرتیرگنلیگی قید ایتیلدی.