تورکیه نینگ مطبوعات خلاصه لری
تورکیه نینگ مطبوعات خلاصه لری
حریت روزنامه سی: فخرالدین کوجه: «بیرینچی دورنی تماملهدیک. ایکّینچی دورنینگ نامی کنتروللی اجتماعی حیات
ساغلیقنی سقلش وزیری فخرالدین کوجه، تورکيه نینگ کروناویروسگه قرشی کورهشده بیرینچی دورنی تماملب، ایکّینچی دورگه کیرگنینی قید ایتدی. کوجه، «ینگی دور اوچون ینگی نام بیریشنی معقول دیب کوردیک. او هم بولسه کنتروللی اجتماعی حیات. بو دورده یولگه قوییلهدیگن ایکّیته قاعده باردیر. بیرینچیسی کوچهگه چیقیلگنیده ماسک تقیشلیک، ایکّینچیسی ایسه مصافهنی سقلشدیر» دیدی.
وطن روزنامه سی: چاووش اوغلی: 128 ته دولت تورکيهگه مراجعت قیلدی.
تشقی ایشلر وزیری مولود چاووش اوغلی، دنیا نینگ 128 ته دولتی نینگ تورکيهدن یاردم، یاکه ساتیب آلیش یولیده طبي اشیالر بوییچه یاردم سورهگنینی، قریب یرمینی تأمینلهگنلیکلرینی قید ایتدی. چاووش اوغلی، «دنیا دولتلری نینگ اوچدن ایکّی قِسمی تورکيهدن طبي اشیالر بوییچه یاردم سوردی. بو وضعیت تورکيه نینگ قنچهلیک ایشانچلی منبع ایکنلیگی نینگ کورسهتکیچیدیر» دیگن افادهلرگه اورین بیردی.
صباح روزنامه سی: ایلچیلر تورکيه نینگ کروناویروسگه قرشی کورهشیگه مقتاو یاغدیردی.
انقرهده کروناویروس جریانی حقیده گپیرگن 7 نفر ایلچی، تورکيه نینگ پاندميگه قرشی کورهشیگه مقتاو یاغدیردی. تورکيه نینگ ویروسگه قرشی کورهشده ییتکچی دولتلردن بیری ایکنلیگینی بیلگیلب اوتگن ایلچیلر، فیلاسیون تیزیمی نینگ یاردمیده دنیا نینگ باشقه دولتلریدهگی حالت سانی آرتر ایکن تورکيهدهگی حالتلر سانی نینگ پسهییشیگه اعتبار قرهتدی.
ستار روزنامه سی: مشهور سرمایه کیریتووچی مارک مابیوس تورکيه حقیده ایجابي مضمونده بیاناتلر بیردی.
مشهور سرمایه کیریتووچی مارک مابیوس، کروناویروس بحرانیده تورکيه نینگ جهان سوداسیده اوز اورنینی مستحکملشی ممکنلیگینی ایسلهتیب اوتگن حالده بو نینگ تورکيهگه، بیر نیچه ترماقده کتّه امکان توغدیریشینی قید ایتدی.
یینی شفق روزنامه سی: تورکيهنی فخرلنتیرگن مکافات.
تورکيه نینگ ازمیر شهریده جایلشگن اقتصادی بیلیم یورتی قاشیدهگی طب فاکولتهسی اوقیتووچیسی دوکتور دینیز جیلان، بیپویر بوزیلیش کسللیگی نینگ قان تیستی آرقهلی انیقلنیشی اوستیدن آلیب بارگن فعالیتی بیلن، خلقارا مکافاتگه سزاوار دیب تاپیلدی. «یاش تدقیقاتچی مکافاتی»نی آلگن جیلان، تورکيهده اوشبو مکافاتگه ایگه بولگن اوچینچی کیشیدیر.