تورکیه نینگ مطبوعات خلاصه لری
تورکیه نینگ مطبوعات خلاصه لری
خبر تورک روزنامه سی: «جمهور باشلیغی ایردوغاندن کروناویروس بوییچه بیانات»
تورکيه جمهور باشلیغی رجب طیب ایردوغان کروناویروس کسل لیگی گه قرشی کورهشده ینگی انیقلنهیاتگن حالتلر سانی کمهیه باشلهگنلیگینی معلوم قیلدی. رمضان هییتیدن سونگ، تورکيهده کوندهلیک حیات اوز یولیگه توشیشیدن امیدوارلیگینی بیلدیردی.
حریت روزنامه سی: «عمر چیلیک: رمضان هییتیدن کیین وضعیت نورمال لشهدی»
تورکيه عدالت و ترقیات حزبی سوزچیسی عمر چیلیک کروناویروسگه قرشی آلینگن چاره-تدبیرلر دایرهسیده، رمضان هییتیدن کیین وضعیت نورمال لشیشینی بیلدیردی.
«چاره-تدبیرلرگه قطعیاً عمل قیلیشنی دوام ایتتیرهیلیک. اگر بونگه اهمیت بیرسک، هییتدن کیین وضعیت یولگه توشیشینی ایتیش ممکن»،-دیب ایتگن.
ستار روزنامه سی: «تورک مدافعه صنایع کمپنیسی گه انگلستاندن مهم مکافات»
دنیاده ییتکچیلیک قیلیب کیلهیاتگن حربي قوروقلیک تیزیملری ایشلب چیقرووچی FNSS مدافعه تیزیملری کمپنیسی British Safety Council تامانیدن خلقارا محنت خوفسیزلیگی مکافاتیگه لایق دیب تاپیلدی.
یینی شفق روزنامه سی: «تورکيه نینگ آلتین ذخیرهسی آرتدی»
جاري ییل نینگ مارچ آییده تورکيه نینگ آلتین ذخیرهلری آرتدی. خلقارا پول فندی (IMF) معلوماتیگه کوره، اوّلگی آیده 18.47 میلیون آنس ذخیرهلر مارچ آیی آخریده 19.33 میلیون آنس گه آرتدی.
صباح روزنامه سی: «روسیهگه کینو صادراتی»
جاري ییل نینگ دستلبکی چارهگیده تورکيهدن روسیه فدراسیونی گه 81 مینگ 776 تُن کینو صادر قیلیندی. بوندن توشگن درآمد 49 میلیون 834 922 دالرنی تشکیل قیلدی.