تورکیه مطبوعاتیدن خلاصه لر 13.03.2020

ینی شفق روزنامه سی, تورکیه جمهوریتی جمهوررئیسی رجب طیب اردوغان نینگ, تلفن آرقه لی, روسیه جمهوررئیسی ولادیمیر پوتین بیلن اوچره شگن لیگی نی بیلدیرماقده. 

خبرده, اوشبو اوچره شووده, 5 مارچ ده ادلب خصوصیده امضالنگن قوشیمچه پروتکل دایره سیده کیلیشیلیب آلینگن موضوع لر باره سیده گی ینگی لیک لر توغریسیده بحث ایتیلگن لیگی معلوم قیلینماقده. 

خبرتورک روزنامه سی, تورکیه جمهوریتی ملی مدافعه وزیری خلوصی آقر نینگ, ادلب ده گی آتشکیسین بیلن علاقه لی اوچره شوو لر نینگ دوام ایتیاتگن روسیه هیئتی بیلن بویوک مقیاسده کیلیشیلیب آلینگن لیگی نی بیلدیرگن لیگی نی یازماقده. 

خبرده, آقر نینگ, "ادلب ده برچه عنصر لری میز بیلن موجودیتی میز دوام ایتماقده.  او ییردن چیقیشی میز بحث موضوعی ایمس.  حربی لری میز و عنصر لری میز نینگ موجودیتی دوام ایته دی" دییه قید ایتگن لیگی ایسله تیلماقده. 

صباح روزنامه سی, تورکیه جمهوریتی تشقی ایش لر وزیری مولود چاووش اوغلی نینگ, کرونا ویروس حقیده, ایتالیالیک کسبداشی لویگی دی مایو بیلن تلفن آرقه لی اوچره شگن لیگی نی بیلدیرماقده. 

خبرده, چاووش اوغلی نینگ, ایتالیا ده کوپلب کیشی نینگ اولگن لیگی سببلی ایتالیالیک کسبداشی گه تسلیت بیلدیرگن لیگی ایسله تیلماقده. 

روزنامه, صحبت جریانیده, کرونا ویروس گه قرشی کوره ش بوییچه تورکیه بیلن ایتالیا اورته سیده قنده ی همکارلیک لرنینگ موجود بوله دیگن لیگی توغریسیده سوز یوریتیلگن لیگی نی معلوم قیلماقده. 

حریت روزنامه سی, تورکیه نینگ موغلا ولایتی بودروم تومنیده, یونان قیرغاق خوفسیزلیک عنصر لری تامانیدن تورکیه گه قیتریب یوباریلگن 8 نفر مهاجر نینگ قوتقریلگن لیگی نی یازماقده. 

خبرده, افغانستان لیک ایکن لیک لری بیلدیریلگن اوشبو مهاجر لرنینگ تورکیه تامانی گه اوتکزیلگن لیک لری بیلدیریلماقده. 

ستار روزنامه سی, امریکا قوشمه ایالتلری ده The National Interest  مجله سی نینگ تورکیه نینگ قوراللی پیلوت سیز طیاره لری توغریسیده بحث ایتگن لیگی گه دقت قره تماقده. 

خبرده, مجله نینگ, بهار قالقانی عملیاتی ده استفاده ایتیلگن اوشبو پیلوت سیز طیاره لرنی مقترایکن, تورکیه نینگ خوددی شوو ساحه بوییچه کتته موفقیت لر قولگه کیریتگن لیگی نی بیلدیرگن لیگی ایسله تیلماقده.