تورکیه نینگ مطبوعات خلاصه لری
تورکیه نینگ مطبوعات خلاصه لری
تورکیه نینگ مطبوعات خلاصه لری
ستار روزنامه سی: تشقی ایشلر وزیری چاووش اوغلی: «هیچ کیمنی تورکيهده مجبورلب آلیب اوتیرالمهیمیز».
تشقی ایشلر وزیری مولود چاووش اوغلی مهاجرلر حقیدهگی بیاناتیده، «اروپا اتفاقی اروپا و انسانیت قدریتلرینی حرمت قیلیشی درکار. ینگی مهاجرلر آقیمینی کوترالمسلیگیمیزنی قَیته - قَیته ییتکزدیک. هیچ کیمنی تورکيهده مجبورلب اوشلب تورالمهیمیز» دیدی.
صباح روزنامه سی: بو بیرینچی آدرسلر بیر ایمس بیر نیچه اوچووچیسیز هوا واسطهسی تامانیدن نشانگه آلیندی.
تورکيه، دنیاده بیرینچی مراتبه، بیر ایمس بیر نیچه اوچووچیسیز هوا واسطهسیدن بیر وقت نینگ اوزیده فایدهلندی. تورک قوراللی کوچلری تامانیدن ادلیبده اویوشتیریلگن «بهار قلقانی» عملیاتیده آدرسلر بیر نیچه اوچووچیسیز هوا واسطهسی یاردمیده یوق قیلیندی. انقره و هاتایدهگی بویروق بیریش و باشقریش مرکزلریدن «بیرقدار تی بی 2» مودلیدهگی بیر توده اوچووچیسیز هوا واسطهسی رژیم کوچلرینی، اولر نینگ آغیر قوراللری و اوق-داری انبارخانهسینی ویران قیلدی.
وطن روزنامه سی: دنیا نینگ اینگ کوچلی حربي-هوا کوچلری انیقلندی.
خلقارا گلوبال فایرپویر تشکیلاتی نینگ 2020-ییلگی راپوریگه کوره تورک قوراللی کوچلری 9 - قطارده اورین آلگن. رویخط نینگ بیرینچی قطاریگه امریکا قوشمه ایالتلری کیریتیلدی.
یینی شفق روزنامه سی: دنیادن آلردیک ایندی دنیاگه ساتماقده میز.
زراعتدن صنایع ساحهسیگچه بولگن ایشلب چیقریش ترماغیده فایدهلنیلگن ویرمیکوتیل مینیرالی، سِرلی خصوصیتلرگه ایگه. او ایسیتیلگنیده 10 برابرگه اوسر ایکن تورکيهده بیرینچی مراتبه سیواسده چیقریلدی. اوشبو مینیرالنی تورکيه اوّللری دنیا نینگ باشقه دولتلریدن خرید قیلیب آلر ایکن بوگونگی کونگه کیلیب اونی دنیاگه صادر قیلهدیگن درجهگه ییتدی.
حریت روزنامه سی: چیت ایلّیکلر ایشلاو بیریلمهگن 5 کیلوگرام آلتین آلیب کیلیش حقوقیگه ایگه.
تورکيه جمهوریتی بیلن وطنداشلیک علاقهسی بولمه گن و مملکتگه کیرگن کونی 18 یاشیدن اوتگن یولاوچیلر، بیر ییلده اینگ کوپ 5 کیلوگرام، شخصیگه عاید ایشلاو بیریلمهگن آلتیننی تورکيهگه آلیب کیریش حقوقیگه ایگه.