تورکیه نینگ مطبوعات خلاصه لری

تورکیه نینگ مطبوعات خلاصه لری   

ستار روزنامه ‌سی: ایردوغان نینگ «ادلیبده تورکلرگه هجوم قیلگن رژیم اوچون بو نینگ عاقبتی آغیر بوله‌دی» دیدی سرلوحه‌سی بیلن بیرگن خبرده یازیلیشیچه، تورکيه جمهور باشلیغی رجب طیب ایردوغان سوريه‌ده ادلیب کیلیشووی آیاق آستی قیلینگنلیگینی معلوم قیلدی. تورکيه قوراللی کوچلری حربي خدمتچیلریگه قره‌ته‌‌ هجومگه دقّت قره‌تگن ایردوغان: «بشار الاسد رژیمی اوچون بو نینگ عاقبتی آغیر بوله‌دی»،-دیدی.

وطن روزنامه سی: «بشارالاسد رژیمیگه جواب بیردیک و بونی دوام ایتتیره‌میز» سرلوحه‌سی بیلن بیرگن خبرده یازیلیشیچه، تورکيه تشقی ایشلر وزیری مولود چاووش اوغلی سوريه‌ده تورک حربي خدمتچیلرگه صادر ایتیلگن هجومگه مناسبتینی بیلدیرر ایکن، «بشارالاسد رژیمیگه قرشی قتّيق جواب بیر‌دیک. بیریلگن ضربه‌لرده بشارالاسد رژیمیدن انچه عسکر یوق قیلیندی. بونی حلی هم دوامی کیله‌دی»،-دیدی.

مولود چاووش اوغلی روسیه‌ نینگ «رژیمنی تولیق نظارت قیله آلمه‌یه‌بمیز» شکلیده‌گی بهانه‌لری توغری ایمسلیگینی بیلدیردی.

خبر تورک روزنامه سی: «تورکيه‌ نینگ عمومي اهالی سانی 83 میلیوندن آشدی» سرلوحه‌سی بیلن بیرگن خبرده یازیلیشیچه، تورکيه استاتیستیک‌ تشکیلاتی (TÜİK) مملکت نینگ عمومي اهالی سانینی اعلان قیلدی.

بونگه کوره‌، تورکيه‌ نینگ عمومي اهالی سانی 2019 ییلی 83 میلیون 154 مینگ 997 کیشیگه ییتدی. بو ایسه، 2018 ییلگه نسبتاً 1 میلیون 151 مینگ 115 کیشیگه آرتدی دیمکدیر. استانبول شهر اهالیسی نینگ سانی ایسه 15 میلیون 519 مینگ 267 کیشینی تشکیل قیلماقده.

یینی شفق روزنامه سی: «کرونا‌ ویروس طفیلی روسیه میوه-سبزه‌ وارداتی اوچون تورکيه بازاریگه یونه‌لدی» سرلوحه‌سی بیلن بیرگن خبرده یازیلیشیچه، ختایده کوندن کونگه‌ کرونا‌ ویروسی کینگ ترقه‌لیب باره‌یاتگنلیگی و اولیم حالتلری نینگ آرتیب باره‌یاتگنلیگی طفیلی الکترونیک سوداده تورک محصولاتلریگه بولگن طلب 5 برابرگه آشدی. ختایدن میوه-سبزه‌ وارد قیلگن دولتلر ایندیلیکده تورکيه بازاریگه یونه‌لدی.

روسیه تورکيه‌دن پامدور وارداتینی 200 مینگ تُن‌گه چیقریش توغریسیده قرارنامه امضاله‌دی. ختای چیگره‌سی نینگ یاپیلیشی بیلن روسلر تورکيه بازاریدن محصولات خرید قیلیشینی معلوم قیلدی.

صباح روزنامه سی: تورکیه سرمایه گذارلیکده مرکز بوله دی

تورکیه ده انگلستان تجارت اتاقی باشلیغی چریس گوانت تورکیه و استانبول نینگ شرقی اروپا و اورته آسیا ترماغی ایچیده جایلشگن 14 اولکه نینگ مرکزی بوله جگینی بیلدیردی. تورکی شرکتلری بیلن انگلیس شرکتلری نینگ بو 14 اولکه نی ییره ب آلیش اوچون اورونگن لیگینی معلوم قیلدی.