تورکیه نینگ مطبوعات خلاصه لری
تورکیه نینگ مطبوعات خلاصه لری
تورکیه نینگ مطبوعات خلاصه لری
ستار روزنامه سی: ادلبدهگی هجوم آرتیدن ایردوغان بیاناتلر بیردی.
جمهور باشلیغی رجب طیب ایردوغان توناون اوکراین گه سفری آلدیدن بیرگن بیاناتیده ادلبده تورک عسکرلری شهید قیلینگن هجومگه قرشی آرتیقچیلیگی بیلن کیرهکلی جواب نینگ بیریلگنینی و بو نینگ دوام ایتهجگینی هم قید ایتدی. ایردوغان بو حقیده، «یورتیمیز، خلقیمیز و ادلب لیک برادرلریمیز نینگ خوفسیزلیگی اوچون بیز آلیب بارگن عملیاتنی دوام ایتتیریشده قرارلیمیز. بو و بونگه اوخشش هجوملر آرقهلی تورکيه نینگ قرارلیلیگینی امتحان قیلگنلر کتّه خطاگه یول قویگنلیکلرینی توشونیب ییتهدی» دییه گپیردی.
حریت روزنامه سی: خلوصی آقر سوريه چیگرهسیده بیاناتلر بیردی.
ملي مدافعه وزیری خلوصی آقر همراهلیگیدهگی تورک قوراللی کوچلری باشقرمه سی جنرال یشر گُلر و حربي کوچ قوماندانلری بیلن توناون سوريه چیگرهسی نینگ چیت نقطهسیده بولدی. خلوصی آقر اونده، ادلبده یوز بیرگن هجومگه قرشی کیرهکلی جواب نینگ بیریلگنیدن همه نینگ کونگلی خاطری جمع بولیشی کیرهکلیگینی قید ایتدی.
صباح روزنامه سی: چاووش اوغلی: «اصلیده ساتیش حجتی بولگن بو ریجهنی اسلام عالمی صفتیده بیرگهلیکده رد ایتتیک».
تشقی ایشلر وزیری مولود چاووش اوغلی توناون سعودی عربستان نینگ جده شهریده اسلام همکارلیک تشکیلاتی ییغیلیشیده اشتراک ایتدی. اونده، اسلام بیرلیگی نینگ امریکا قوشمه ایالتلری ادعا ایتگن تینچلیک ریجهسیگه بولگن مناسبتیدن تشقری فلسطن مسألهسی نینگ هم قولگه آلینگنینی معلوم قیلدی. چاووش اوغلی بو حقیده، تویترده قالدیرگن پُستیده، «اسلام بیرلیگی ییغیلیشیده اشتراک ایتدیک. اصلیده ساتیش حجتی بولگن بو ریجهنی اسلام عالمی صفتیده بیرگهلیکده رد ایتدیک. فلسطیندن واز کیچگننی اللّه هم، امتی هم کیچیرمهیدی» دیدی.
وطن روزنامه سی: سودا وزیری روخسار پیکجان: «جمهوریت تاریخی نینگ اینگ یوقاری کورسهتکیچی». سودا وزیری روخسار پیکجان، جنوری آییده ییللیک صادرات رقمی نینگ 6. 10 فایز آرتگن حالده 14.8 میلیارد دالرگه ییتگنلیگینی معلوم قیلدی. پیکجان بو وضعیتنی، جمهوریت تاریخی نینگ اینگ یوقاری جنوری آیی صادرات رقمی» دیب بهالهدی. شونینگدیک او، تشقی سودا کورسهتکیچلری نینگ تورکيه اقتصادیدهگی تیکلنیش نینگ دوام ایتهیاتگنیدن دلالت بیرهیاتگنلیگینی افاده ایتدی.
خبر تورک روزنامه سی: تورکيه اوتگن ییلی 277 میلیون جُفت کفش صادر قیلدی. 2018- ییلی 249 میلیون جُفتدن عبارت بولگن کفش صادراتی، اوتگن ییلی 11.2 فایزلیک آرتیش بیلن 277 میلیون جُفتگه چیقدی. صادراتدن قولگه کیریتیلگن درآمد، 4.6 فایزلیک آرتیش بیلن 932 میلیون دالرگه ییتگن حالده ریکورد اورنهتدی. اینگ کوپ صادرات 106 میلیون دالر بیلن روسيهگه یولگه قوییلر ایکن روسيهنی 70 میلیون دالرلیک صادرات بیلن عراق و 59 میلیون دالرلیک صادرات بیلن جرمني کوزهتدی. اینگ یوقاری صادرات آرتیشی 168 میلیون دالر بیلن ختایگه قرهتیلدی.