تورکیه مطبوعاتیدن خلاصه لر 17.01.2020

حریت روزنامه سی, تورکیه جمهوریتی جمهوررئیسی رجب طیب اردوغان نینگ, توناون انقره ده جمهوررئیس لیک ملت کنگره و فرهنگ مرکزیده بولیب اوتگن "2019- ییل نینگ بهالنتیریلیشی بوییچه ییغیلیش" ده معروضه قیلگن لیگی نی بیلدیرماقده. 

خبرده, "لیبیا ده گی مشروع حکومت نینگ دوام ایتیشی اوچون اوشبو اولکه گه عسکر یوباره میز" دییه قید ایتگن اردوغان نینگ, اوز سوز لری نی, "تورکیه نینگ امنیتی نینگ تشقریدن باشلب تامین ایتیلیشی کیره ک ایکن لیگی مفکوره سی بیلن جنوبی میزده گی جغرافیه ده برقرارلیک نینگ اورنه تیلیشی اوچون سیاسی, تجاری, بشری, دیپلماتیک و نظامی امکانیت لری میز دن فایده له نیش گه دوام ایته میز" شکلیده دوام ایتتیرگن لیگی بیلدیریلماقده. 

صباح روزنامه سی, تورکیه جمهوریتی انرژی و طبیعی منبع لر وزیری فاتح دونماز نینگ, توناون بیرگن بیانات لریده, وطنی برقی موتر لر بیلن بیرگه 2030 ییل ده تورکیه ده 1 میلیون دن آرتیق برقی موتر نینگ موجود بولیشی نی تخمین ایتیاتگن لیک لری نی بیلدیرگن لیگی نی یازماقده. 

وطن روزنامه سی, تورکیه جمهوریتی خزانه و مالیه وزیری برات آلبیرق نینگ توناون تویتر آرقه لی بیرگن بیاناتیده, "اسعار بوییچه تاریخ نینگ اینگ یمان وضعیت لری نی بر طرف ایتدیک.  برچه هدف لری میز بوییچه موفقیت قولگه کیریتدیک.  انشاءالله, 2020-ییلده اقتصاد ساحه سی بوییچه کتته موفقیت لر قولگه کیریته میز" دییه قید ایتگن لیگی گه دقت قره تماقده. 

ینی شفق روزنامه سی, اوتگن ییل نینگ خوددی شوو دوری بیلن سالشتیریلگنده 2019- ییل جنوری- سپتامبر آی لری آره سیده چیت ایللر گه کیتگن تورک لر نینگ سانی نینگ 11,9 فایز مقیاسیده آرتیب کیتگن لیگی نی بیلدیرماقده. 

خبرده, شونده ی قیلیب اوشبو دورده خارج گه سفر قیلگن کیشی لرنینگ سانی نینگ 6 میلیون 350 مینگ 388 نفر دن 7 میلیون 411 مینگ 702 کیشی گه کوتریلیب کیتگن لیگی معلوم قیلینماقده. 

ستار روزنامه سی, ایککینچی جهان اوروشی جریانیده تورکیه ده اویلب چیقاریلگن چیچک واکسینی نینگ, اوزگرتریلیب, سونگگی ییل لرده سرطان کسل لیگی نینگ تداوی سی بوییچه وجود نینگ ایمنی سیستمی نینگ کوچی نی آرتیره دیگن دارو لر دن بیری گه ایلنتیریلیشی توغریسیده گی سعی و حرکت لرنینگ دوام ایتیاتگن لیگی نی یازماقده.