تورکیه نینگ مطبوعات خلاصه لری
تورکیه نینگ مطبوعات خلاصه لری
تورکیه نینگ مطبوعات خلاصه لری
وطن روزنامهسی: جمهور باشلیغی ایردوغان آلمانگه جونب کیته دی
تورکیه جمهور باشلیغی رجب طیب ایردوغان، "برلین کنفرانسی" گه قتنه شیش اوچون 19 جنوریده آلمان پایتختی برلین گه سفری قیلیب کیته دی.
تورکیه نینگ اورونیشلری نینگ آرتیدن لیبیاده تامین لنگن آتش کیسین و شرقی آق دینگیزده یوز بیریب تورگن ینگی لیکلرگه کنفرانسده اولویت بیریله دی.
کنفرانس گه قتنشگن اولکه لر، آتشکیسین نینگ دایمی بولیشی و لیبیاده گی بحرانگه سیاسی ییچیم تاپیش چوکاتیده فکر المه شووی عملگه آشیریله دی.
خبر تورک روزنامهسی: کانال استانبولگه چیت ایلّیکلر نینگ قیزیقیشی کتّه.
ترانسپورت و زیربنا وزیری جاهد تورخان، «کانال استانبول»دن اوتهدیگن کیمهلردن آلینهدیگن ییللیک انیق مقدارنینگ 1 میلیارد دالر اطرافیدهلیگینی معلوم قیلدی. هالندلیک، بیلجیم لیک و فرانسوز شرکتلری نینگ «کانال استانبول» لایحهسیگه بولگن قیزیقیشی نینگ کتّهلیگینی ایسلهتیب اوتگن تورخان، «کانال استانبولگه نیمه اوچون احتیاج بار» دیگن سوالگه جواب بیردی. تورخان، استانبول بوغازی نینگ خلقارا دینگیز ترانسپورتیده فایدهلنیلگن سوو یولی ایکنلیگینی و دینگیز ترانسپورتی نینگ کوپلیگیدن تیقیلینچگه دچار بولهیاتگنلیگینی بیلگیلب اوتدی.
یینی شفق روزنامهسی: 12 آیلیک جاري حساب آرتیغی 2 میلیارد 725 میلیون دالرگه ییتدی.
اوتگن 2019-ییل نینگ نوامبر آییده جاري حساب بلانسی کملیگی 518 میلیون دالرنی تشکیل ایتیشیگه قرهمهی آخرگی مراتبه بیان ایتیلگن معلوماتگه کوره 12 آیلیک جاري حساب آرتیغی 2 میلیارد 725 میلیون دالرگه ییتگن. سیاحتدن آلینگن صاف درآمد مقداری، 2018-ییل نینگ نوامبر آییگه کوره 177 میلیون دالرگه آرتگن حالده، 1 میلیارد 414 میلیون دالرگه کوتریلدی.
صباح روزنامهسی: بورسا ریکارد اورنه تر ایکن سود بیر رقم سویه سیگه باراپتی
بازارده مثبت فضا دوام ایتماقده. بورسا استانبول 2 ییل کیین 120 مینگ نی اوترکن، سود 10،72 فایز 2017 – ییلی جنوریدن بیری اینگ قویی سویه گه کیلدی.
ستار روزنامهسی: سودا وزیری روخسار پیکجان افریقاگه سفر اویوشتیرماقده.
سودا وزیری روخسار پیکجان ییتکچیلیگیدهگی هیئت بوگون نایجرياگه سفر قیلر ایکن اولر شو فرصتدن فایدهلنیب ینگی همکارلیک امکانلری نینگ یوللرینی ایزلهیدی. روخسار پیکجان نینگ نایجریانینگ پایتختی ابوجه گه بولگن تشریفی چاغیده اونگه افریقا مملکتلری بیلن سودا و سرمایه گذارلیک علاقهسی بولگن تورک سوداگرلری هم همراهلیک قیلهدی. پیکجان، نایجریاگه بولگن تشریفی آرتیدن 15-جنوری کونی مراکش-تورکيه قوشمه کمیتهسی ییغیلیشیده اشتراک ایتیش اوچون مراکش نینگ پایتختی رباط گه یول آلهدی.