تورکیه مطبوعاتیدن خلاصه لر 26.12.2019

خبرتورک روزنامه سی, توناوون تونس گه تشریف بویورگن تورکیه جمهوریتی جمهورئیسی رجب طیب اردوغان نینگ, لیبیا ده آتشکسین نینگ تامین ایتیلیشی کیره ک ایکن لیگی نی بیلدیررایکن, خلق ارا مقیاسده تن آلینگن فایز السراج حکومتی نی حمایت قیلیاتگن لیک لری نی بیلدیرگن لیگی نی معلوم قیلماقده. 

خبرده, کودتاچی حفتر نینگ مشروع ایمس لیگی نی بیلدیرگن اردوغان نینگ, لیبیا نینگ طلب ایتیشی تقدیرده, تورکیه نینگ اوشبو اولکه گه عسکر جونه تیشی نینگ ممکن ایکن لیگی نی معلوم قیلگن لیگی بیلدیریلماقده. 

ینی شفق روزنامه سی, روسیه گازی نی قاره دینگیز و تورکیه آرقه لی اوروپا گه ییتیشتیریب بیره دیگن 935 کیلومتر لیک تورک آقیم قووری نینگ فعالیت گه تیار ایکن لیگی نی یازماقده. 

خبرده, روسیه دن کیلگن گاز نینگ قیی کوی ترمینالی ده تیار تورگن لیگی ایسله تیلماقده. 

روزنامه, ایککینچی قوور نینگ هم بلغاریا چیگره سی گه قدر بولگن قسمی نینگ تکمیل بولگن لیگی نی معلوم قیلماقده. 

خبرده, اوشبو پروژه نینگ رسمی آچیلیش مراسمی نینگ 8 جنوری کونیده استانبول ده بولیب اوتیشی نینگ ریجه لنگن لیگی یازیلماقده. 

روزنامه, اوشبو مراسم گه تورکیه جمهوریتی جمهوررئیسی رجب طیب اردوغان بیلن روسیه جمهوررئیسی ولادیمیر پوتین نینگ هم اشتراک ایتیشی نینگ پلانلنگن لیگی نی بیلدیرماقده. 

ستار روزنامه سی, تورکیه و گرجستان حکومت لری اورته سیده حربی و مالی همکارلیک کیلیشووی امضالنگن لیگی نی یازماقده. 

خبرده, اوشبو کیلیشوو نینگ تورکیه و گرجستان مدافعه وزیرلری خلوصی آقر بیلن ایراکلی گاریباشویلی تامانیدن امضالنگن لیگی معلوم قیلینماقده. 

حریت روزنامه سی, تورکیه ملی موتری نینگ قنده ی بیر شکل گه ایگه بوله دیگن لیگی توغریسیده باش قاتیریلیاتگن لیگی نی بیلدیرماقده. 

خبرده, اوشبو موتر نی تولید ایته دیگن تامان نینگ تویتر آرقه لی موتر نینگ شکلی حقیده بعضی پیام لر ترقه تیاتگن لیگی ایسله تیلماقده. 

صباح روزنامه سی, تورکیه ده گی اقتصادی تدبیر لر نینگ اوز ثمره سی نی بیره باشله گن لیگی نی بیلدیرماقده. 

خبرده, تورکیه ده 2020 – ییلده اقتصاد ساحه سی بوییچه مثبت ینگیلیک لر نینگ یوز بیریشی نینگ کوتیلیاتگن لیگی معلوم قیلینماقده. 

روزنامه, 2020- ییلده تورکیه نینگ اقتصادی کوچی نینگ 5 فایز مقیاسیده آرتیب کیتیشی نینگ کوتیلیاتگن لیگی نی یازماقده. 

خبرده, خلق ارا پول فونده ی آی ایم ایف و دنیا اقتصادی رواجله نیش و همکارلیک تشکیلاتی نینگ هم تورکیه نینگ اقتصادی کوچی نینگ 2020 – ییلده 3 فایز مقیاسیده آرتیب کیته دیگن لیگی نی بیلدیرگن لیگی نینگ هم دقت گه سزاوار بیر موضوع ایکن لیگی ایسله تیلماقده.