تورکیه نینگ مطبوعات خلاصه لری

تورکیه نینگ مطبوعات خلاصه لری  

یینی شفق روزنامه سی: ایردوغان بیلن پوتین 8 جنوریده استانبولده اوچره شه دی دیب بیرگن خبریده،

روسیه دولت رئیس لیگی کرملیندن بیریلگن بیاناتده، جمهور باشلیغی رجب طیب ایردوغان بیلن روسیه دولت باشلیغی ویلادیمیر پوتین نینگ 8 جنوریده استانبولده اوچره شه جگی افاده ایتیلدی. کرملین سوزچیسی دیمیتری پسکوف ایردوغان بیلن پوتین نینگ 8 جنوری 2020ده روس گازینی قاره دینگیز و تورکیه آرقه لی اروپاگه تشووچی تورک آقیمی طبیعی گاز پیپ لاینینی افتتاح قیلیشنی ریجه له گنلیکلرینی بیان ایتگن ایدی. پوتین نینگ سفریده بو پروزه نینگ افتتاح قیلینیشی کوتیلماقده.

وطن روزنامه سی: تورکیه نی آق دینگیزده لیبیا بیلن قوشنی قیلگن کیلیشوو دیب یازگن سرلوحه سیده، جمهور باشلیغی رجب طیب ایردوغان بیلن لیبیا ملی کیلیشوو حکومتی کینگشی باشلیغی فیاض السراج دینگیز حدودینی انیقلشتیریش بیلن تیگیشلی کیلیشوونی 27 نوامبرده امضاله دی. تشقی ایشلر وزیرلیگی سیاسی ایشلر و دینگیزچیلیک – هواچیلیک – حدود باشلیغی اورینباسری بویوک ایلچی چغتای ایرجیاس، تورکیه و لیبیانی دینگیز آرقه لی قوشنی قیلگن نقشه نی اجتماعی ترماق آرقه لی نشر قیلدی. ایرجیاس نینگ تویتی تشقی ایشلر وزیرلیگی نینگ رسمی تویتر ادرسی آرقه لی نشر قیلیندی.

خبر تورک روزنامه سی: ملی مدافعه وزیرلیگی: تورکیه ناتوده گی وظیفه سینی باشقره دی.

ملی مدافعه وزیرلیگی و عامه وی علاقه لر اداره سی معرفی قیلووچی صاحب منصبی اولجای دینگیز ایر، ملی مدافعه وزیرلیگیده اویوشتیرگن مطبوعاتی کنفرانسیده تورکیه نینگ 1952 – ییلی 18 فبروریده اعضا بولگن شمالی اتلانتیک کیلیشووی گروهی ناتوده خلق ارا خوفسیزلیک و بردملیک که مهم حصه لر قوشگنینی بیلدیردی. دینگیز ایر، "ناتو اولکه میزنینگ خوفسیزلیگی نینگ تامین ایتیلیشیده مهم رولگه ایگه بولگندیر. اولکه میز هم هردایم اوستی توشگن مسؤلیتنی ادا قیلیش گه دوام ایته دی" دیدی.

حریت روزنامه سی: مالیه وزیری آلبیراق: تورکیه نینگ اقتصادی کینگه ییب باره دی دیگن سرلوحه سیده یازیلیشیچه؛

تورکیه اوچونچی ربع ده قولگه کیریتگن یوتوغی بیلن 0،9 فایز کینگه یدی. خزینه و مالیه وزیری برات آلبیراق تویتر آرقه لی بیرگن بیاناتیده، تورتینچی ربع اوچون کورستگیچلرگه کوره تورکیه نینگ اقتصادی نینگ کینگه ییب بارگنینی بیلدیردی.

آلبیراق اولا 5 فایزلیک کینگه ییش نینگ صنایع قوشمه بهاسینی کوپه یتیریب سرمایه گذارلیک نی تیزلشتیریش، تولید و استخدام بوییچه سکتورلرنی قولب – قوتله یمیز"دیدی.

ستار روزنامه سی: دنیا بوییچه تنیقلی اقتصاددان نورئیل روبین: تورکیه کینه ییش مثبت آلغه باره دی

دنیا بوییچه تنیقلی اقتصاددان نورئیل روبین تورکیه نینگ اقتصادی نینگ اوتگن ییل نینیگ ایککینچی یرمیده اسعار بحرانی و اقتصادی فشارلر نتیجه سیده روی بیرگن قیینچیلیک نی برطرف ایتگنینی معلوم قیلیب صادرات نینگ رقابتچی بولیشی بیلن جاری کمچلیک کمه یدی. تورکیه ده اقتصادی کینه ییش مثبت آلغه باره دی و کیلگوسی ییل اوچون 3 فایز بوله دی" دیدی.