تورکیه نینگ مطبوعات خلاصه لری
تورکیه نینگ مطبوعات خلاصه لری
تورکیه نینگ مطبوعات خلاصه لری
ستار روزنامه سی: دولت باشلیغی ایردوغان شرقي آق دینگیزی مسأله‌سیده اروپا اتفاقینی آگاهلنتیردی.
امریکا قوشمه ایثالتلریگه بولگن تشریفی آلدی توناون کونی ایسینبوغه قونلغه سیده بیانات بیرگن دولت باشلیغی رجب طیب ایردوغان، اروپا اتفاقی نینگ تشقی ایشلر کینگشی تامانیدن «تورکيه نینگ شرقي آق دینگیزیده‌گی بورغولش فعالیتلریگه قرشی» یولگه قوییلیشی ریجه‌لشتیریلگن چیکلاوچی توسده‌گی تدبیر‌لری اوچون قبول قیلگن قراریگه اعتراض بیلدیردی. دولت باشلیغی ایردوغان بو حقده، «قبرسده‌گی وضعیت طفیلی بیزنی قورقیتیشگه اورینمنگ. مذاکره جریانیده بولیشلیک بیزنی قیزیقتیرمه‌یدی. مذاکره‌لر بیر آنده یکون تاپیشی ممکن» دیدی.
یینی شفق روزنامه سی: تورکيه اینگ ییریک ایکّینچی برق ایشلب چیقریش پروژه‌سینی یولگه قوییش عرفه‌سیده.
تورکيه نینگ معتبر پروژه‌لریدن بیری حسابلنگن جنوبي اناطولی پروژه‌سی دایره‌سیده یولگه قوییلگن ایلیسو بندی هایدرو الیکتریک ستشنی 3 آیدن کیین الکترک انرژیسی ایشلب چیقریش فعالیتلرینی باشله‌ماقچی. حاضرچه ستشن‌ده سوو توتیش ایشلری آستیده دوام ایتماقده. 4 میلیارد 120 میلیون کیلووات-ساعت انرژی ایشلب چیقریش قوّتیگه ایگه بولگن ستشن، مملکت اقتصادیگه 1 ییلده 2 میلیارد لیره حصه قوشه‌دی.
صباح روزنامه سی: تورک هوا یوللری نینگ اکتوبر آییده‌گی یولاوچی سانیده آرتیش کوزه‌تیلدی.
تورک هوا یوللری آرقه‌لی اکتوبر آییده سیاحت قیلگن یولاوچی سانیده 1.9 فایز آرتیش کوزه‌تیلگن حالده یولاوچیلر 6.6 میلیونگه ییتدی. تورک هوا یوللری مطبوعاتی تامانیدن موضوع حقیده بیریلگن بیاناتگه کوره اکتوبر آییده‌گی توله لیک نسبتی 83.3؛ خلق‌ارا یونه‌لیشده‌گی یولاوچیلر توله لیگی نسبتی 82.9؛ ایچکی یونه‌لیشده‌گی یولاوچیلر توله لیگی نسبتی 86.2 فایزنی کورسه‌تگن.
خبر تورک روزنامه سی: سپتامبر آییده قوریلیش (ساختمان) محصوللری صادراتی 1.9 میلیارد دالرگه ییتدی. تورکيه نینگ قوریلیش محصوللری صناعتچیلر اویوشمه‌سی تامانیدن تیارلنگن قوریلیش محصولاتلری صناعتی تشقی سودا ایندیکسی 2019-ییل نینگ سپتامبر آیی نتیجه‌لری معلوم قیلیندی. اونگه کوره قوریلیش ماتریاللری صادراتی سپتامبر آییده اگست آییگه نسبتاً 4.1 فایز آرتگن حالده 1.89 میلیارد دالرگه ییتدی. صادرات، مقدار اساسیده ایسه 9.6 فایزلیک آرتیش بیلن 4.75 میلیون تُن‌گه ییتدی.
حریت روزنامه سی: نوری بیلگه جیلان نینگ فلملری روم و وین‌ده تماشا‌چیلر اعتباریگه حواله قیلینه‌دی.
یونوس امره انستیتوتی موفقیتلی تورک فلملری نینگ تقدیم ایتیلیشیگه قوچاق آچگن «تورک فلملری فستیوالی» پروژه‌سینی دوام ایتتیرماقده. مدنیت و توریزم وزیرلیگی قاشیده‌گی سینما فلم ییتکچیلیگی نینگ قوللب-قوّتلشی بیلن آلیب باریلگن مذکور پروژه آرقه‌لی یوزلب تورک فلمی، دنیا نینگ تورلی دولتلریده سینما شیدالری اعتباریگه حواله قیلینماقده. بوگونگچه دنیا نینگ 20 ته دولتیده اوتکزیلگن تدبیر دایره‌سیده کان و انتا‌ليا‌ده‌گی آلتین نارنج کبی خلق‌ارا سینما فستیواللر آرقه‌لی دنیاگه تنیلگن نوری بیلگه جیلان نینگ فلملری 22-24 نوامبر کونلری رومده، 2-8 دسامبر کونلری وین‌ده تماشا‌بینلر اعتباریگه حواله قیلینه‌دی.
