تورکیه نینگ مطبوعات خلاصه لری

تورکیه نینگ مطبوعات خلاصه لری  

خبر تورک روزنامه سی: ایردوغان ترور گذرگاهینی یوق قیلدیک

29 اکتوبر جمهوریت بیره می تورکیه مقیاسیده تنتنلی نشانلندی.

جمهور باشلیغی رجب طیب ایردوغان و همراهیده گی دولت مقاملری بیلن بیرگه لیکده آته تورک مقبره سینی باریب زیارت قیلدی. جمهور باشلیغی ایردوغان اته تورک مقبره سی خاص کتابچه سیگه "تینچ لیک چشمه سی عملیاتی آرقه لی سوریه حدودیمیز بویلب ایجاد ایتیلماقچی بولگن تروریزم گذرگاهینی یوق قیلیب قاطع لیگیمیزنی ینه بیر مرته کورستدیک" دیدی.

حریت روزنامه سی: آته تورک قبری زیارتچیدن تولیب تاشدی

جمهوریت نینگ 96 – ییل لیگی مناسبتی بیلن وطنداشلر توناون کونی اته تورک قبریگه باریب زیارت قیلدیلر. 29 اکتوبر جمهوریت بیره می مناسبتی بیلن ایرته لب رسمی مراسم آرتیدن وطنداشلر اوچون زیارت گه اچیلدی. قبر تولیب تاشدی.

وطن روزنامه سی: تورکیه دن چیکلاو قراریگه عکس العمل

تورکیه، امریکا قوشمه ایالتلری نماینده لر مجلسیده تینچلیک چشمه سی عملیاتی نی سبب کورستیب چیکلاو قانون لایحه سینی قبول ایتیلیشینی قتتیق قاره له دی. تشقی ایشلر وزیرلیگیدن بیریلگن بیاناتده، تینچلیک چشمه سی عملیاتی نی سبب کورستیب مملکتیمیزگه قره ته چیکلاو قانون لایحه سینی امریکا قوشمه ایالتلری نماینده لر مجلسیده قبول ایتیلیشینی قتتیق قاره له یمیز" دیب ایتیلگن.

صباح روزنامه سی: تشقی ایشلر وزیرلیگی امریکا قوشمه ایالتلری نماینده لر مجلسی نینگ قرارینی رد ایته میز

تورکیه، امریکا قوشمه ایالتلری نماینده لر مجلسیده قبول بولیب چیققن اوزیچه ارمنی ادعالریگه قتتیق عکس العمل کورستدی. تشقی ایضشلر وزیرلیگی امریکا قوشمه ایالتلری نماینده لر مجلسی تامانیدن توناون کونی قبول قیلینگن ارمنی ادعالری بیلن تیگیشلی قرارنی رد ایته میز. دیب بیانات بیردی. بو قرارنینگ حقوقی اهمیتی بولمه گنینی بیلدیردی.

ستار روزنامه سی: تعطیل اوچون کیلگن چیت ایللیکلر انتالیاده جایلشدی.

توریزم جایی بولمیش انتالیا غیر منقول ساتیشی بوییچه هم بیرینچی اورینده توره دی. ییل نینگ توقوز آیی دوامیده خارجیلرگه 6 مینگ 257 اوی ساتیلدی. 2018 – ییلگه کوره 19 فایز کوپه یدی. ییل نینگ اخریگچه 10 مینگه ییته دی.