تورکیه نینگ مطبوعات خلاصه لری
تورکیه نینگ مطبوعات خلاصه لری
تورکیه نینگ مطبوعات خلاصه لری
ستار روزنامه سی: «ایردوغان نینگ اروپا اتفاقی بیلن ویزه ایرکینلیگیگه دایر مذاکره جریانی حقیده بیاناتی» سرلوحه‌سی بیلن بیرگن خبرگه کوره، تورکيه دولت باشلیغی رجب طیب ایردوغان اروپا اتفاقی بیلن ویزه ایرکینلیگی ملاقات جریانیگه دایر شرطلرنی بجریشگه قره‌تیلگن فعالیتلرنی تیزلشتیریش توغریسیده‌گی قراری قبول قیلیندی. «وطنداشلریمیز اوچون ویزه ایرکینلیگینی یرا‌تیش مقصدیده ویزه ایرکینلیگی یولی بیلگیلنگن شرطلرنی بجریشگه قره‌تیلگن فعالیتلرنی تیزلشتیریش و اروپا کمیسیونی تامانیدن بیلگیلنگن طلبلرگه دایر فعالیتلرنینگ دایميلیگینی تأمینلش ضرور» دیب ایتیلدی.
صباح روزنامه سی: «تشقی ایشلر وزیرلیگیدن یونان‌گه قتّیق تنقید» سرلوحه‌سی بیلن بیرگن خبرده یازیلیشیچه، تورکيه تشقی ایشلر وزیرلیگی مرادپاشا سپورت و یونان نینگ پاوک جماعه‌لری اورته‌سیده‌گی هینتبال مسابقه‌لریده یوزه‌گه کیلگن بیراق معماسی سببلی آگاهلنتیریش بیردی. «2019 ییل 13 سپتامبرده سیلا‌نیکده مرادپاشا بلدیه کلوپی جماعه‌سی بیلن پاوک جماعه‌سی اورته‌سیده بولیب اوتگن هینتبال بحثلریده روی بیرگن واقعه یونان‌ده‌گی تورکيه‌گه قرشی افراطی ملیتچی و فاناتیک توده‌لر نینگ قاره یوزینی ینه بیر بار کورسه‌تدی. میدانده یونان بیراغی آسیلگن ایکن، یانیگه تورک بیراغی نینگ آسیلیشیگه توسقینلیک قیلینگنلیگینی قبول قیلمه‌یمیز. یونان مقاملرینی ینه بیر بار چیت ایل دشمنلیگی و شدّتگه مایل شدت بازلرنی سپورت مسابقه‌لریدن منع قیلیش اوچون چاره - تدبیر کوریشگه چقیره‌میز»، دیب ایتیلگن.
یینی شفق روزنامه سی: «تیکنافیستده نمایش قیلینگن «جیزیری» ناملی اوچر مو‌ترلرگه اعتبار کتّه» سرلوحه‌سی بیلن بیرگن خبرده یازیلیشیچه، 100 فایز محلي امکانیتلر بیلن 9 آیده تماملنگن پرواز قیلووچی اوچر مو‌تر «جیزیری» تیکنافیست فستیوالیده نمایش قیلیندی. اوشبو مو‌ترلر کیلگوسیده شهرده ترانسپورت واسطه‌سی صفتیده قوللنیله‌دی. اوچر مو‌ترلرنی هم کارگو خدمتی همده هوا ترانسپورتی صفتیده خدمتگه تاپشیریشی ریجه‌لنماقده.
خبر تورک روزنامه سی: پیلوتسیز واسطه لرگه اینگ کوپ علاقه تورکیه تامانیدن کورستیلماقده.
محاسبه، تیکشیروو، سالیق و اداره مصلحتچی لیگی خذمتی بیرووچی خلق ارا شرکت بولمیش دیلوئیتو و تورکیه اتوموتیف اویوشمه سی مشترک آلیب بارگن فعالیت، اوتاونوم واسطه لرگه اینگ کوپ علاقه9 نینگ تورکیه ده ایکن لیگینی کورستماقده. شونگه کوره تورکیه 67 فایز، 54 فایز آلمان، 48 فایز انگلستان 47 فایز امریکا قوشمه ایالتلری دیر.
حریت روزنامه سی: «سیاحلر سانی 11 میلیوندن آشدی» سرلوحه‌سی بیلن بیرگن خبرگه کوره، طبیعتی، دینگیزی، قوم و قویاشی بیلن سیاحلرنی اوزیگه جلب قیلگن انتا‌ليا خارجلیک سیاحلر نینگ دَم آلیش مسکنی بولیشده دوام ایتماقده. «توریزم پایتختی» دیب بهالنگن انتا‌ليا‌گه جاري ییلده 1 جنوریدن 15 سپتامبرگچه کیلگن خارجلیک سیاحلر سانی 11 میلیون 636 مینگ 450 کیشیگه ییتدی. نتیجه‌ده کونده‌لیک و 1 آیلیک وقت مابینیده کیلگن سیاحلر سانی بوییچه ریکارد قولگه کیریتیلدی.
