تورکیه نینگ مطبوعات خلاصه لری
تورکیه نینگ مطبوعات خلاصه لری
تورکیه نینگ مطبوعات خلاصه لری
صباح روزنامهسی: «ایردوغان اندونیزیالیک کسبداشی بیلن ملاقات قیلدی» سرلوحهسی بیلن بیرگن خبرده یازیلیشیچه، تورکيه دولت باشلیغی رجب طیب ایردوغان توناون اندونیزیا دولت باشلیغی جاکا ویدادا بیلن تیلفون آرقهلی ملاقات قیلدی. صحبت چاغیده ایردوغان و ویدادا بیر-بیرینی قربان بیرهمی بیلن تبریکلهدی.
ستار روزنامهسی:«ملي مدافعه وزیرلیگی معلوم قیلدی: چیگره ده درانلر پرواز قیلیش گه باشلهدی» سرلوحهسی بیلن بیرگن خبرده یازیلیشیچه، تورکيه ملي مدافعه وزیرلیگی سوريه نینگ شمالیده خوفسیز حدود تشکیل قیلیشگه دایر فعالیتلر دایرهسیده اوچووچیسیز هوا واسطهلری یعنی حربي درانلر (ایها) خدمتنی بجریشگه باشله گنی بیلدیریلدی.
حریت روزنامهسی:«تورک آقیمی» سوق دیپو قوریلیشی نینگ 95% یکونلندی» سرلوحهسی بیلن بیرگن خبرده یازیلیشیچه، روسیه طبيعي گازینی تورکيهگه ییتکزهدیگن و او ییردن اروپاگه ییتکزهدیگن «تورک آقیمی» طبيعي گاز پایپ لاین ترماغی نینگ تراکیا ساحلیده جایلشگن قبول قیلیش دیپوسیدهگی قوریلیش فعالیتلری نینگ 95 فایزی یکونلندی. «تورک آقیمی» پروژه سیدن مسوول کمپنی معلوم قیلیشیچه، فعالیتلر بیلگیلنگن ریجه اساسیده دوام ایتماقده. 2019 - ییل آخریده پایپ لاینلردن طبيعي گاز آقیشی باشلنهدی.
خبر تورک روزنامهسی: «موغلاده کرویز توریزمی» سرلوحهسی بیلن بیرگن خبرگه کوره، مالته بیراقلی «هاریزان» کرویز کیمهسی آق دینگیزگه سیاحت دایرهسیده موغلانینگ مرمریس تومنیگه کیلدی. مرمریس کرویز بندریگه کیلیب توختهگن کیمهده 1610 نفر کوپراغی اسپانیالیک سیاح بیلن 607 نفر پرسونل بارلیگی انیقلندی.
یینی شفق روزنامهسی: «کوک ماوي پلیاژگه 4 کونده 25 مینگ سیاح کیلدی» سرلوحهسی بیلن بیرگن خبرگه کوره، انتاليا نینگ قاش تومنی قربان بیره می مناسبتی بیلن سیاحلر بیلن تولیب تاشدی. قاش و قلقان تومنی اورتهسیده جایلشگن قپوتاش پلیاژی تاریخیدهگی اینگ گاوجوم کونلردن بیریگه گواه بولدی. ماوي دینگیزی بیلن مشهور بولگن پلیاژ عرفه و بیرهم کونلری تخمینن 25 مینگ کیشی گه میزبانلیک قیلدی.