تورکیه مطبوعاتیدن خلاصه لر 09.08.2019

وطن روزنامه سی, تورکیه جمهوریتی تشقی ایش لر وزیری مولود چاووش اوغلی نینگ, امریکا قوشمه ایالت لری نینگ سوریه نینگ شمالیده امنیت بیر منطقه نینگ تشکیل ایتیلیشی بیلن علاقه لی تورکیه بیلن کیلیشیب آلگن لیگی نینگ یخشی بیر باشلنغیچدن عبارت ایکن لیگی نی بیلدیرگن لیگی نی معلوم قیلماقده. 

ینی شفق روزنامه سی, تورکیه جمهوریتی ملی مدافعه وزیری خلوصی آقر نینگ, تورکیه قوراللی کوچ لری قوماندانی سترجنرال یاشر گولر و باشقه کتته قوماندان لر بیلن بیرگه شمالی قبرس تورک جمهوریتی گه تشریف بویورگن لیگی نی یازماقده. 

خبرده, آقر نینگ خوددی شوو ییر نینگ اوزیده بیرگن بیاناتیده, "تورکیه اوزی و همده شمالی قبرس تورک جمهوریتی نینگ مشروع حق و منفعت لری نی مدافعه قیلماقده.  کیله جکده هم تورکیه نینگ اوشبو سیاستی دوام ایته دی" دییه قید ایتگن لیگی گه دقت قره تیلماقده. 

حریت روزنامه سی, جاری ییل نینگ جولای آییده تورکیه نینگ مهم توریزم مرکز لری دن بیری بولگن قاپادوکیا گه 393 مینگ 728 داخلی و خارجی توریست نینگ کیلگن لیگی نی معلوم قیلماقده. 

صباح روزنامه سی, استانبول هوا قونلغه سیده ایککی ربات نینگ یولاوچی لر نینگ سئوال لری گه جواب بیره باشله گن لیگی نی بیلدیرماقده. 

خبرده, یخشی ایش آلیب باریشی تقدیرده, تورکیه ده بیرینچی مرته استفاده قیلینیاتگن اوشبو ربات لر نینگ سانی نینگ تورت گه آرتیریله دیگن لیگی بیلدیریلماقده. 

روزنامه, تورکیه ده تولید قیلینگن اوشبو ربات لرنینگ تورک و انگلیس تیل لریده یولاوچی لرنینگ سئوال لری گه جواب قیتریاتگن لیگی نی یازماقده. 

ستار روزنامه سی, تنیقلی صنعتچی جنیفر لوپز نینگ تورکیه نینگ انتالیا ده بیرگن کنسرتی بیلن علاقه لی اجتماعی ترماق آرقه لی ترقتگن پیامی نی 11 ساعتده 4,5 میلیون کیشی نینگ کورگن لیگی و خوددی شوو پیام اوچون اون مینگلب کیشی نینگ فکر بیلدیرگن لیگی نی ایسلتماقده. 

خبرده, 6 آگست کونی کنسرت بیرگن لوپز نینگ, اوشبو پیامی بیلن تورکیه نینگ توریستیک شهری بولگن انتالیا و تورکیه نینگ جهان ده تانیتیلیشی بوییچه حصه قوشگن لیگی بیلدیریلماقده.