تورکیه نینگ مطبوعات خلاصه لری
تورکیه نینگ مطبوعات خلاصه لری
تورکیه نینگ مطبوعات خلاصه لری
"یینی شفق روزنامه سی: "6 نفر وطنداشیمیز قوتقریلدی "
لیبیاده حفتر کوچلری حبسگه آلگن 6 نفر تورک تبعه سی قوتقریلدی. آلینگن معلوماتگه کوره، 6 نفر تورک کیمهچی، کیمه نینگ ایگهسی تامانیدن خوفسیزلیک کوچلری قولیدن آلیب تکرار کیمهگه آلیب باریلدی. تورک تبعه لری نینگ حبسگه آلینیشیگه تورک تشقی ایشلر وزیرلیگی قتّيق عکس العمل کورسهتگن ایدی.
ستار روزنامه سی: « TANAP، اروپاگه گاز ییتکزیب بیریشگه تیار»
جنوب گاز کوریدوری نینگ اینگ اوزاق حلقهسی بولگن ترانس انادولی طبيعي گاز پایپ لاینی، (TANAP) 1- جولایدن باشلب آذربایجان گازینی اروپاگه ییتکزیب بیرهدیگن وضعیتگه کیلگنینی بیلدیردی. تورکيه- یونان چیگرهسیده ترانس ادریاتیک طبيعي گاز پایپ لاین (تپ) توگهگندن کیین، آذربایجان گازی کیلگوسی ییلدن اعتباراً اروپا بازاریگه ییتکزیب بیریلهدی.
ستار روزنامه سی: "30 مملکت نینگ قویاشی انتالیادن توغدی"
تورکيه نینگ انرژی ایشلب چیقریش قویاش پنیللری بازار رهبری cw انرژی ، 30 مملکتلرگه پنیل صادر قیلماقده. cw انرژی باش مدیری وولقان ییلمز، "تورکيه اروپادهگی لیدرلیگینی دنیاده دوام ایتتیرماقچی ،" دیدی.
حریت روزنامه سی: "ایدیرنه دهگی هوتللرده اورین قالمهدی !"
ایدیرنه شهریده 658 ییللیک اوزلوکسیز تاریخي قیرق پنار یاغلی کورهش نینگ عملگه آشیریلیشی، هوتللردهگی تولهلیک نسبتی یوز فایزگه ییتدی. آیلر آلدیندن قیلینگن اورین اجرهتیشلر بیلن شهردهگی هوتللرده اورین قالمهدی. شهر نینگ مرکز اهالیسی قدَر سیاح شهرگه تشریف بویوردی. ایدیرنه لیک وطنداشلر، مهمانلرنی اوز اویلریده مهمان قیلیشگه باشلهدی.
خبرتورک روزنامه سی: "سیاحلر سانی بارگن سری آرتدی"
انتالیا بیلن موغلانی بیر- بیریدن اجرهتیب تورهدیگن دنیادهگی اینگ کتّه دره لردن بیری بولگن سقلی کینت، زیارتچی سانی جوده هم آشدی. 18 کیلومترلیک دره 200 متر بلندلیکدهگی تیک بیتلر آرهسیده، سوو اوتیشی قیین پارکورلریدن بیری بولگن قیین یوللر بیلن اجرهلیب تورهدی. دره گه تشریف بویورهدیگن محلي و خارجي سیاحلر تورلی پروگراملرنی عملگه آشیریشی ممکن.