تورکیه نینگ مطبوعات خلاصه لری
تورکیه نینگ مطبوعات خلاصه لری
تورکیه نینگ مطبوعات خلاصه لری
خبر تورک روزنامه سی: روسیهدن آلینهدیگن S-400 تیزیملری نینگ نظارتی تورکيه نینگ قولیده بولهدی.
تشقی ایشلر وزیری مولود چاووش اوغلی روسیهدن آلینهدیگن S-400 راکت تیزیمی نظارتی نینگ تورکيهده بولیشینی قید ایتدی. مولود چاووش اوغلی لیتونياگه بولگن رسمی سفری دایرهسیده کسبداشی ایدگردس رینکیویکس بیلن مطبوعات کنفرانسی اویوشتیردی. مذکور کنفرانسده S-400 لر حقیده بیانات بیرگن چاووش اوغلی، امریکا قوشمه ایالتلری نینگ S-400 لر نینگ، F-35 اوروش اوچاقلری اوچون خوف تشکیل ایتیشی حقیدهگی ادعاسیگه جواب بیرر ایکن بو حقده، «بیز آچیق-آیدین ایتدیک. روسیهدن آلینهدیگن S-400 تیزیملری نینگ نظارتی بوتونلهی تورکيه نینگ قولیده بولهدی» دیدی. چاووش اوغلی شونینگدیک، امریکا قوشمه ایالتلری گه، موضوع حقیده بیرگهلیکده فعالیت گروهی تشکیل ایتیلیشی کیرهکلیگی حقیدهگی تکلیف بیلن چیققنلیکلرینی هم اوز سوزیگه علاوه ایتدی.
ستار روزنامه سی: پوتین، تورکلر بیلن فعالیت آلیب باریش نینگ ینه-ده قولهی ایکنلیگینی قید ایتدی.
روسیه دولت رهبری ولادیمیر پوتین امریکا قوشمه ایالتلری و بعضی اروپا دولتلری تامانیدن تورلی یوللر آرقهلی توسیقلیک قیلینیشیگه قرهمهی قوریلیش ایشلری حلیگچه دوام ایتگن روس طبيعي گازینی اروپاگه ییتکزیب بیرهدیگن «شمالي آقیم 2» طبيعي گاز پایپ لاین پروژهسی حقیده گپیرر ایکن تورک آقیمینی نظرده توتگن حالده، «تورکلر بیلن فعالیت آلیب باریش اروپالیکلرگه قرهگنده ینه-ده قولهیراق. چونکه دولت باشلیغی رجب طیب ایردوغان قرار قبول قیلیشیب آلگنده، اونی یولگه قوییش ایشلری باشلهتیلماقده» دیب گپیردی.
یینی شفق روزنامه سی: Moody’s، تورک اقتصادیاتی نینگ کوچلی جهتلرینی معلوم قیلدی. خلقارا قرضه درجه لاوچی اداره سی Moody’s اروپا، یقین شرق و افریقا مملکتلری خوفلری گروهی ییتکچیسی یویس لیمهی، انگلستان پایتختی لندنده اوتکزیلگن Moody’s رواجلنگن بازارلر جلسه سیده تورک اقتاصادي نینگ کوچلی جهتلریگه توختهلدی. لیمهی، «تورکيه نینگ اقتصادي توری، ییریکلیگی، یاش ایشچی کوچی و حکومت نینگ بلانس جدولی اقتصاد نینگ کوچلی جهتلری آرهسیدهدیر» دیدی.
صباح روزنامه سی: چیت ایلّیکلرگه اینگ کوپ اپریل آییده اوی-جای ساتیلگنلیگی معلوم بولدی.
چیت ایلّیکلرگه نهفقط ییل نینگ بیرینچی چارهگیده بلکه ایکّینچی چارهگی نینگ بیرینچی آیی یعنی اپریل آییده هم کوپلب اوی-جای ساتیلگنلیگی انیقلندی. بونگه کوره ییل نینگ بیرینچی تورت آییده 13 مینگ 338 ته اوی ساتیلگن. اوتگن ییل نینگ جنوری آییدن باشلب اپریل آییگچه چیت ایلّیکلرگه 7 مینگ 341 ته اوی ساتیلر ایکن، بو هم 82 فایزلیکلیک آرتیشنی کورسهتدی. بو ییل نینگ اپریل آییده چیت ایلّیکلرگه اوی-جای ساتیلیشیده اوتگن ییل نینگ شو دوریگه نسبتاً 82.1 فایزلیک آرتیش کوزهتیلر ایکن 2 مینگ 43 تهدن 3 مینگ 720 تگه کوتریلدی. بو آرقهلی چیت ایلّیکلرگه اوی-جای ساتیش بوییچه تاریخ نینگ اینگ ثمرهلی اپریل آیی رقملری کوزهتیلدی.
حریت روزنامهسی: انگلستانلیکلر، بو ییلگی یاز موسمیده تورکيه دینگیزلریده دَم آلینهدیگن اینگ اعلی 10 ته نقطهنی تنلهدی.
انگلستان نینگ The Telegraph روزنامه سی نینگ ایدیتورلری، 2019-ییلی تورکيه دینگیزلریده دَم آلینهدیگن 10 نقطهنی تنلهدی. رویخط گه بیش یولدوزلی هوتللر اورین آلگن انتاليا، کمر، چیرهلی، کَلکن، قاش، آلانیا، سیده، موغلا، چشمه، فتحيه، بودروم کیریتیلدی.