تورکیه نینگ مطبوعات خلاصه لری
تورکیه نینگ مطبوعات خلاصه لری
تورکیه نینگ مطبوعات خلاصه لری
صباح روزنامه سی: «تشقی ایشلر وزیری چاووش اوغلی نینگ سوريه حقیده‌گی بیاناتی». تشقی ایشلر وزیری مېولوت چاووش اوغلی سوريه‌ده رژیم کوچلری هجوملری نینگ ساچی کیلیشووینی پایمال قیلگنلیگینی قید ایتدی. مولود چاووش اوغلی توناون تویتیر آرقه‌لی بیرگن بیاناتیده، سوريه مذاکره هیئتی رهبری نصر الحریري بیلن بیرگه‌لیکده توشگن صور‌تدن فایده‌لنگن حالده، «رژیم نینگ هجوملری سوچی کیلیشووی نینگ پایمالیدیر و آستانه روحیگه ضد دیر. ینگی اساسی قانون توزیش کمیته‌سی مسأله‌سیده کیلیشیب آلیش گه یقین میز» دیگن افاده‌لرگه ا‌ورین بیردی.
وطن روزنامه‌سی: «تورک آقیمی» پروژه سی اوستیدن بیرینچی گاز 31-دسامبر کونی ییتکزیب بیریلماقچی.
روسیه نینگ ییریک انرژی شرکتی گازپرام نینگ باشقروو رئیسی نینگ اورین‌باسری ویته‌لي مرکیلوف «تورک آقیمی» پایپ لاینی پروژه سی اوستیدن بیرینچی گاز نینگ، 31-دسامبر کونی ییتکزیب بیریلیشی ریجه‌لشتیریله‌یاتگنلیگینی معلوم قیلدی. روس گازینی تورکيه و اروپاگه تشووچی «تورک آقیمی» طبيعي گاز پایپ لاینی، هر بیری ییللیک 15.75 میلیارد کوب متر قوّتگه ایگه ایکّیته لایندن عبارت بوله‌دی.
حریت روزنامه‌سی: کتّه آرتیش کوتیلماقده.
تورکيه سیاحت شرکتلری بیرلیگی باشلیغی فیروز باغلی قایا موغلانینگ بودروم تومنی نینگ دنیاگه تنیلیب کیتگن توریزم مرکزلریدن بیری ایکنلیگینی ایسله‌تیب اوتگن حالده، چیت ایلّیک سیاحلر سانیده آرتیش کوته‌یاتگنلیکلرینی قید ایتدی. باغلی قایا، 2019-ییل نینگ بیرینچی اوچ ییل لیک دوریده اوّلگی ییللرگه کوره جدّي آرتیش کوزه‌تگنلیکلرینی هم اوز سوزیگه علاوه ایتدی.
یینی شفق روزنامه‌سی: تورکيه، هایدرو الکتریک ترماغی بوییچه دنیاده تورتینچی ا‌ورینده. تورکيه اوتگن ییلی قوّتی 1085 میگوا‌ت بولگن ینگی هایدرو الکتریک استشنی قوردی. بو آرقه‌لی خلق‌ارا ارینه‌ده تورتینچی قطارگه کوتریلدی. اوتگن ییلی 48 مملکت توپلم 21 مینگ 800 میگواتلیک ینگی هایدرو الکتریک انرژی ظرفیتی ایجاد ایتدی.
خبر تورک روزنامه‌سی: جیننیفیر لاپیز، انتالیا‌ده کنسرت بیره‌دی.
امریکالیک تنیقلی قوشیقچی جیننیفیر لاپیز جاری ییل نینگ 6-اگست کونی انتالیا‌نینگ سریک تومنیده کنسرت بیره‌دی. لاپیز، مذکور کنسرتده برچه ینگی قوشیقلرینی اجرا ایتماقچی.
