تورکیه نینگ مطبوعات خلاصه لری
تورکیه نینگ مطبوعات خلاصه لری
تورکیه نینگ مطبوعات خلاصه لری
ستار روزنامه سی: خلوصی آقر «امریکا قوشمه ایالتلری نینگ S-400 حقیده‌گی یانداشووی اتفاقداشلیک مناسبتی گه ماس ایمس» سرلوحه‌سی بیلن بیرگن خبرگه کوره، تورکيه ملي مدافعه وزیری خلوصی آقر روسیه‌دن خرید قیلینه‌دیگن S-400 هوا مدافعه تیزیمی حقیده‌گی خواطرلرنی برطرف ایتیش اوچون امریکا قوشمه ایالتلری بیلن تخنیکی اوچره‌شیشگه تیار ایکنلیگینی معلوم قیلدی. «امریکا قوشمه ایالتلری نینگ S-400 تیزیملری بیلن باغلیق تهدیدلری، اولتیماتوملری و مهلت بیریشلری اتفاقداشلیک مناسبتیگه یره‌شمه‌یدی»،دیدی.
صباح روزنامه سی: «برات آلبیراق ترامپ بیلن اوچره‌شدی» سرلوحه‌سی بیلن بیرگن خبرگه کوره، تورکيه مالیه وزیری برات آلبیراق آق اویده امریکا قوشمه ایالتلری دولت باشلیغی دونالد ترامپ بیلن اوچره‌شدی و تورکيه دولت باشلیغی ایردوغا‌ن نینگ سلامینی ییتکزدی.
اوچره‌شوو تفصیلاتی حقیده معلومات بیرگن برات آلبیراق: «اوچره‌شوویمیز جوده اونوملی و ایجابي روحده بولیب اوتدی. تورکيه نینگ احتیاجی بولگن S-400 تیزیملری حقیده‌گی فکرلریمیزگه قولاق سالدی و بیزگه حق بیرگنلیگینی سیزدیم»،دیدی.
حریت روزنامه سی: «تورکيه توریزمده اوز مقصدی سری شخدم قدم تشله‌ماقده» سرلوحه‌سی بیلن بیرگن خبرگه کوره، تورکيه مدنیت و توریزم وزیری مِحمد نوری ایرسوی 15-22 اپریل کونلری نشانلنگن توریزم هفته‌سی مناسبتی بیلن تبریک پیامی نشر قیلدی. «تورکيه برچه ساحه‌لرده بولگنی کبی توریزمده هم 2023 ییلگه قدَر اوز آلدیگه قویگن مقصدلریگه شخدم قدملر بیلن اینتیلماقده. توریزم اوچون تشلنگن هر بیر قدم تورکيه‌نی خلق‌ارا میدانده ییتکچی ا‌ورینگه کوتره‌دی»،دیدی.
خبر تورک روزنامه سی: استانبول صنایع اتاقی تورکیه صادرات اقلیمی ایندیکسی مارچی آییده 52،2 بولدی.
استانبول صنایع اتاقی تورکیه صادرات اقلیمی ایندیکسی نینگ بیرینچیسینی اعلان قیلدی. ایندیکس مارچی آییده 52،2 بولدی. حرکت اولیملی بولیب باردی. اورته شرقده گی طلب نینگ اروپاده گی استه ک سیکین بارگن بازارنی جبران قیلدی.
یینی شفق روزنامه سی:«خارجده‌گی ساختمان پروژه‌لریده کوزلنگن مقصد 50 میلیارد دالر» سرلوحه‌سی بیلن بیرگن خبرگه کوره، تورکيه ساختمان شرکتلر اویوشمه‌سی نینگ «قوریلیش سکتوری راپوریده» مهم معلوماتلر ا‌ورین آلدی. راپورگه کوره، تورک ساختمان شرکتلر بو ییل خارجده‌گی 10 مینگچی ساختمان پروژه‌سینی عملگه آشیرماقده. خارجده‌گی خدمتلر تخمیناً 20-30 میلیارد دالرگچه کوتریلدی. مقصد 2023 ییلده 35 میلیارد، 2030 ییلده ایسه، 50 میلیارد دالرگه ییتکزیش. نتیجه‌ده، گلوبا‌ل بازارده‌گی حصه 7 فایزگه چیقه‌دی.
