تورکیه نینگ مطبوعات خلاصه لری
تورکیه نینگ مطبوعات خلاصه لری
تورکیه نینگ مطبوعات خلاصه لری
صباح روزنامه سی: جمهور رئیس اورینباسری اوکتای چریستچورچده.
جمهور رئیس اورینباسری فواد اوکتای ینگی زیلاند نینگ چریستچورچ شهریده باش وزیر اورینباسری و تشقی ایشلر وزیری وینستان پیتیرس بیلن اوچره‌شدی. مذکور اوچره‌شووده ینگی زیلاند‌ده‌گی ایکّی جامع مسجدیگه قره ته اویوشتیریلگن ترور هجومیده یره لنگن تورک وطنداشلری نینگ آخرگی وضعیتی و تیرگاو حقیده باتفصیل معلومات آلدی. آرتیدن هجوم نینگ بیر کیشیلیک ایمس، بیر نیچه کیشیلیک گروه تامانیدن تشکیل ایتیلگن ترور واقعه‌سی بولیشی ممکنلیگینی قید ایتگن حالده، تورکيه نینگ تجربه‌لریدن فایده‌لنگن حالده ینگی زیلاند‌گه هر قنده‌ی یاردمنی بیریشده تیار ایکنلیکلرینی ایتدی.
حریت روزنامه‌سی: استانبول قونلغه سی 7-اپریل کونی بوتونله‌ی فعالیت گه باشله یدی. همه باسقیچلری تماملنگنیده دنیا نینگ اینگ ییریک قونلغه سی دیگن نامگه ایگه بوله‌دیگن استانبول قونلغه سی، 7-اپریلده ایشگه توشیشگه تیارلنماقده. حاضرده تورک هوا یوللری توپلم 23 نقطه‌گه (ایچکی و تشقی) قنتناو یولگه قویگن وضعیتده. بوتونله‌ی ایشگه توشگنیده ایسه 300 دن آرتیق نقطه‌گه سفر قیلینه‌دی.
ستار روزنامه‌سی: هاتای و عفرین اورته‌سیده آچیلگن چیگره دروازه‌سیگه، «زیتون یاله‌سی» دیب آت بیریلدی. تورک قوراللی کوچلری ایرکین سوريه اوردوسیگه یاردم بیریب «زیتون یاله‌سی» عملیاتی آرقه‌لی تروریستلردن قوتقرگن عفرین بیلن هاتای اورته‌سیده یول آچیش مقصدیده ینگی چیگره دروازه‌سی آچدی. تورکيه نینگ هاتای ولایتینی سوريه نینگ عفرین و جِندیریس شهریگه باغله گن مذکور چیگره دروازه‌سیگه، «زیتون یاله‌سی» دیب آت بیریلدی.
خبر تورک روزنامه‌سی: میکروسافت Microsoft بیلن ودافون، تورک تیلیده سوزلاوچی دیجتال اسیستانت TOBi یاردمچی ایشلب چیقردی.
میکروسافت تورکیه و ودافون تورکیه، تورک تیلیده سوزلشووچی و TOBi دیب ناملنگن یاردمچی ایشلب چیقردی. تکنالوژیک توزیلمه جهتیدن میکروسافتدن یاردم آلینگن آوازلی یاردمچی، ودافون فایده‌لنووچیلریگه خدمت قیله‌دی.
یینی شفق روزنامه‌سی: تورکيه‌گه کیلگن کرویز کیمه لر قوش آدا‌سیگه لنگر تشله‌ماقده. تورکيه‌گه کیلگن کرویزلردن 58.7 فایزی قوش آدا‌سیگه لنگر تشله‌ماقده. سیاحلر کیمه‌سی، قوش آدا‌سیگه بو ییل 195 سفر یولگه قویه‌دی و 170 مینگ 773 سیاح کیلتیره‌دی.
