تورکیه نینگ مطبوعات خلاصه لری
تورکیه نینگ مطبوعات خلاصه لری
تورکیه نینگ مطبوعات خلاصه لری
صباح روزنامهسی، «جمهور رئیسلیکدن مک گورک گه کیسکین جواب» سرلوحهسی بیلن بیرگن خبرگه کوره، تورکيه جمهور رئیسلیک سوزچیسی ابراهیم قلین تورکيهنی عیبلهگن امریکا قوشمه ایالتلری نینگ داعشگه قرشی کورهش بوییچه خلقارا ایسکی مخصوص نماینده سی بریت مک گورک گه کیسکین جواب بیردی.
«تحلیل سفسطه. تورکيهگه نسبتاً عیبلاولر معناسیز. بو پی کاکا اوچون تبلیغ حسابلنهدی. تورکيه یوز مینگلب سوريهلیک عرب، کرد، اسور و باشقه ملتلر نینگ حیاتینی سهقلب قالدی. پی کاکاگه ینگیچه حیات یرهتماقچی بولیهبدیلر. بو اصلا عملگه آشمهیدی»،دیب یازدی .
ستار روزنامهسی، «زیتون یاله سی حربي عملیاتی نتیجهسیده ترور گذرگاهی پروزه سینی برطرف ایتدیک» سرلوحهسی بیلن بیرگن خبرگه کوره، تورکيه جمهوریتی علاقه باشقهرمسی باشلیغی آلتون توناون «زیتون یاله سی» حربي عملیاتیگه 1 ییل تولگنلیگی مناسبتی بیلن تویتردهگی صحیفهسیدن بیانات بیردی:
اوّلا، اوشبو حربي عملیاتده هلاک بولگنلرگه الله دن رحمت تیلهگن آلتون: «فرات قلقانی حربي عملیاتیدن سونگ، «زیتون یاله سی» حربي عملیاتی بیلن چیگرهلریمیزده ترور گذرگاهی تشکیل قیلیش پروزهسینی برطرف ایتدیک. خلقارا تینچلیککه خدمت قیلگن تشبثلر بیلن تهدیدلرگه قرهمهی دشمن ریجهلرینی بوزیشیمیزنی اثباتلهدیک. ظفرگه ییتهکلهگن شهیدلریمیزنی و غازیلریمیزنی منتدارلیک بیلن یادگه عاله میز»،دیب یازدی.
حریت روزنامهسی، «روسیه نینگ تورکيهدن پامدور حجمی 100 مینگ تُنگه چیقریلدی» سرلوحهسی بیلن بیرگن خبرگه کوره، تورکيه زراعت و اورمان وزیری بکر پاکدیمیرلی آلمان نینگ پایتختی برلینده 11-جهان آزیق-طعام و زراعت فارمی دایرهسیده اوتکزیلگن زراعت وزیرلری کنفراسسیگه اشتراک ایتگچ، برلیندهگی تورکيه ایلچیخانهسیده تورک ژورنالیستلرگه بیانات بیردی. «روس همکارلریمیز بیلن مصلحتلشدیک. 50 مینگ تُنلیک پامدور حجمیمیزنی 100 مینگ تُنگه چیقردیک»، دیدی.
خبر تورک روزنامهسی، «اوراسيا بازاریگه تورک ساختمانی شرکت حملهسی» سرلوحهسی بیلن بیرگن خبرگه کوره، اوتگن ییلی خارجده 19.4 میلیارد دالر حجمیدهگی پروژهنی ذمّهسیگه آلگن تورک ساختمانی شرکتلر بو پروژهلرنینگ 46 فایزینی اوراسيا منطقهسیده عملگه آشیردی.
تورکيه ساختمانی شرکتلر اتفاقی باشلیغی میتهات یینیگون اوشبو پروژهلر حقیده معلومات بیردی. اونینگ سوزلریگه کوره، 2018 ییلدهگی ایش حجمی نینگ 46 فایزی اوراسيا، 26 فایزی یقین شرق، 18 فایزی افریقا، 6 فایزی اروپا، 3.2 فایزی جنوبي آسیا و اوزاق شرق همده 0.6 فایزی امریکا دولتلریده اورین آلگن.
وطن روزنامهسی، «تورکيهده 400 ییلگه ییتهدیگن درجهده قایه توزی زخیرهسی موجود» سرلوحهسی بیلن بیرگن خبرگه کوره، تورکيه نینگ چنقیری ولایتیده هیتیتلر دوریدن قالگن قایه توزی غاری موجود. اوشبو غارده تورکيه اوچون 400 ییلگه ییتهدیگن درجهده قایه توزی زخیرهسی اورین آلگن. ارکیولوژیک معلوماتلرگه کوره، هیتیتلر تامانیدن قایه توزی آلینگن بو غارگه 19 کیلومتراوزاقلیکده توز کانی جایلشگن. حاضرگی کونده اوشبو توز کانیده توز محصولاتی ایشلب چیقریش فعالیتلری بیر خصوصي شرکت تامانیدن عملگه آشیریلماقده.